ആലപ്പുഴ : എടത്വ ഗ്രാമ പഞ്ചായത്ത് 12-ാം വാര്‍ഡ് കൊച്ചുപഴയമഠം കലുങ്കിന്റെ നിര്‍മ്മാണം ആരംഭിച്ചു. ജില്ലാ പഞ്ചായത്ത് വികസന സ്ഥിരം സമിതി അധ്യക്ഷ ബിനു ഐസക്ക് രാജു ഉദ്ഘാടനം നിര്‍വഹിച്ചു. 12, 13 വാര്‍ഡുകളെ ബന്ധിപ്പിക്കുന്ന ഈ കലുങ്കിന്റെ പണിക്കായി ജില്ലാ പഞ്ചായത്ത് വികസന ഫണ്ടില്‍ നിന്നും 12.50 ലക്ഷം രൂപ ചെലവഴിക്കും. ഗ്രാമ പഞ്ചായത്ത് പ്രസിഡന്റ് ലിജി വര്‍ഗീസ് അധ്യക്ഷത വഹിച്ചു. പഞ്ചായത്ത് സ്ഥിരം സമിതി അധ്യക്ഷന്‍ ജി. ജയചന്ദ്രന്‍, ഗ്രാമ പഞ്ചായത്ത് അംഗം ബാബു മണ്ണാംതുരുത്തില്‍, മാത്യു സേവ്യര്‍, സെല്‍വന്‍ തോമസ് വാളംപറമ്പില്‍, ജോജി ജോസഫ് പന്ത്രണ്ടില്‍ എന്നിവര്‍ പ്രസംഗിച്ചു.
Advertisements
