ആലപ്പുഴ : പോളണ്ടിൽ ജോലി വാങ്ങിക്കൊടുക്കാമെന്നു പറഞ്ഞ് മാവേലിക്കര തഴക്കര സ്വദേശിനിയിൽ നിന്നും പണം തട്ടിയെടുത്ത
മാവേലിക്കര കൊറ്റാർകാവ് ഊരുകടവിൽ വീട്ടിൽ അശ്വിൻ (27) മാവേലിക്കര പോലീസിന്റെ പിടിയിലായി. തഴക്കര സ്വദേശിനിയുടെ മകന് പോളണ്ടിൽ ജോലി വാങ്ങി നൽകാം എന്ന് പറഞ്ഞ് വിശ്വസിപ്പിച്ചു പണം വാങ്ങിയെടുത്ത ശേഷം ജോലി നൽകിയില്ല. വാങ്ങിയ പണം തിരികെ നൽകാത്തതിനെ
തുടർന്ന് മാവേലിക്കര പോലീസ് കേസ് രജിസ്റ്റർ ചെയ്തു അന്വേഷണം ആരംഭിച്ചു.
Advertisements
കേസിന്റെ അന്വേഷണം നടന്നു വരുന്നതിനിടയിൽ പ്രതി ഹൈക്കോടതിയിൽ
മുൻ‌കൂർ ജാമ്യത്തിനായി ശ്രമിച്ചു. ജാമ്യം ലഭിക്കാത്തിനെ തുടർന്ന് അശ്വിൻ ഒളിവിൽ പോകുകയായിരുന്നു. വാടക വീടുകളിലും, ലോഡ്ജുകളിലും മാറി മാറി ഒളിച്ചു താമസിച്ചിരുന്ന പ്രതിയെ മാവേലിക്കര എസ്എച്ച്ഒ സി ശ്രീജിത്തിന്റെ നേതൃത്വത്തിൽ അറസ്റ്റു ചെയ്തു.
