ആലപ്പുഴ : എടത്വ വികസന സമിതിയുടെ നേതൃത്വത്തില്‍ ഗാന്ധിജയന്തി ദിനാചരണം നടത്തി. ജംഗ്ഷനില്‍ ഉള്ള ഗാന്ധി പ്രതിമയില്‍ പ്രസിഡന്റ് ആന്റണി ഫ്രാന്‍സിസ് കട്ടപ്പുറം ഹാരമണിയിക്കുകയും ഭാരവാഹികള്‍ പുഷ്പവൃഷ്ടി നടത്തുകയും ചെയ്തു. തുടര്‍ന്ന് നടന്ന പൊതുസമ്മേളനം രക്ഷാധികാരി അഡ്വ. പി കെ സദാനന്ദന്‍ ഉദ്ഘാടനം ചെയ്തു. പ്രസിഡന്റ് ആന്റണി ഫ്രാന്‍സിസ് കട്ടപ്പുറം അധ്യക്ഷത വഹിച്ചു. രക്ഷാധികാരിമാരായ ജോജി കരിക്കംപള്ളി, കുഞ്ഞുമോന്‍ പട്ടത്താനം, സീനിയര്‍ വൈസ് പ്രസിഡന്റ് ജോര്‍ജ് തോമസ് കളപ്പുര, വൈസ് പ്രസിഡന്റുമാരായ അഡ്വ. ഐസക്ക് രാജു, പി ഡി രമേശ്കുമാര്‍, ഷാജി തോട്ടുകടവില്‍, ജനറല്‍ സെക്രട്ടറി ഡോ. ജോണ്‍സണ്‍ വി ഇടിക്കുള, ട്രഷറാര്‍ ഗോപകുമാര്‍ തട്ടങ്ങാട്ട്, ഐസക്ക് എഡ്വേര്‍ഡ്, അജി കോശി, ടോമിച്ചന്‍ കളങ്ങര, ടി ടി ജോര്‍ജ്ജ്ക്കുട്ടി, ഷാജി മാധവന്‍, ഗ്രിഗറി ജോസഫ് പരുത്തിപള്ളി, പി വി ചാക്കോ എന്നിവര്‍ പ്രസംഗിച്ചു. ഡോ. എം എസ് സ്വാമിനാഥന്റെ നിര്യാണത്തില്‍ അനുശോചനവും രേഖപ്പെടുത്തി.
