ചക്കുളത്തുകാവ് ശ്രീഭഗവതി ക്ഷേത്രത്തില്‍ ഗൗരി ദര്‍ശന വള എഴുന്നള്ളിപ്പ് സമാപിച്ചു. അഷ്ടദ്രവ്യ മഹാഗണപതി ഹോമം, 108 കലശാഭിഷേകം, പുരാണപാരായണ സമര്‍പ്പണം എന്നിവ നടന്നു. ഗൗരിയുടെ വള അലങ്കാരത്തോടുകൂടി പഞ്ചവാദ്യം, നാദസ്വരം, മുത്തുകുടകള്‍ എന്നിവയുടെ അകമ്പടിയുടെ 2 ജിവതയില്‍ എഴുന്നള്ളിച്ച് ഭക്തര്‍ക്ക് ദര്‍ശനത്തിനായി ആനക്കൊട്ടിലില്‍ പ്രത്യേകം തയ്യാറാക്കിയ പീഠത്തില്‍ പ്രതിഷ്ഠിച്ചു. തുടര്‍ന്ന് മംഗള ദ്വീപ പ്രതിഷ്ഠ ചടങ്ങ് ഡോ. വി കെ ജയകുമാര്‍ നിര്‍വഹിച്ചു. തുടര്‍ന്ന് ചൊല്ലി പ്രാര്‍ത്ഥന, ലഹരിവിരുദ്ധ സത്യപ്രതിജ്ഞ, ദിവ്യാ ഔഷധ മരുന്ന് വെള്ള വിതരണം, മഹാപ്രസാദ ഊട്ട് എന്നിവയും നടന്നു. ചടങ്ങുകള്‍ക്ക്ക്ഷേത്ര മുഖ്യകാര്യദര്‍ശിമാരയ രാധാകൃഷ്ണന്‍ നമ്പൂതിരി, ഉണ്ണികൃഷ്ണന്‍ നമ്പൂതിരി, കാര്യദര്‍ശി മണിക്കുട്ടന്‍ നമ്പൂതിരി, മേല്‍ശാന്തിമാരായ അശോകന്‍ നമ്പൂതിരി, രഞ്ചിത്ത് ബി നമ്പൂതിരി, ദുര്‍ഗ്ഗാദത്തന്‍ നമ്പൂതിരി, ബ്ലോക്ക് പഞ്ചായത്ത്അംഗം അജിത്ത് പിഷാരത്ത് എന്നിവര്‍ നേതൃത്വം നല്‍കി.
