ആലപ്പുഴ : സ്വച്ഛധാഹി സേവാ ക്യാമ്പയിന്‍ ഭാഗമായി എടത്വ ഗ്രാമപഞ്ചായത്തിന്റെ നേതൃത്വത്തില്‍ സ്‌കൂള്‍ കുട്ടികള്‍ക്കായി ക്വിസ് മത്സരം നടത്തി. ഗ്രാമപഞ്ചായത്ത് പ്രസിഡണ്ട് ലിജി വര്‍ഗീസ് ഉദ്ഘാടനം ചെയ്തു. വൈസ് പ്രസിഡന്റ് രേഷ്മാ ജോൺസൺ അധ്യക്ഷത വഹിച്ചു. ഗ്രാമപഞ്ചായത്ത് ജനപ്രതിനിധികള്‍ വിഇഒ മാര്‍ ഐആര്‍ടിസി കോഡിനേറ്റര്‍ ശുചിത്വമിഷന്‍ റിസോഴ്‌സ് പേഴ്‌സണ്‍ കിലാ ഫാക്കല്‍റ്റി എന്നിവര്‍ നേതൃത്വം നല്‍കി. ഹൈസ്‌കൂള്‍ വിഭാഗം വിദ്യാര്‍ത്ഥിനികളായ എലിസബത്ത് വിഎസ്, കൃപ റോസ് ബില്‍ബി, മരിയ എല്‍സ മാത്യു (സെന്റ് മേരിസ് ഹൈസ്‌കൂള്‍ എടത്വ) എന്നിവര്‍ യഥാക്രമം ഒന്ന്, രണ്ട്, മൂന്ന് സ്ഥാനങ്ങള്‍ നേടി. യുപി വിഭാഗത്തില്‍ നിന്നും സെന്റ് മേരിസ് ഹൈസ്‌കൂളിലെ ആല്‍ഫീന ലിജി ടോം ഒന്നാം സ്ഥാനവും സെന്റ് അലോഷ്യസ് സ്‌കൂളിലെ ആരോണ്‍ മാത്യു രണ്ടാം സ്ഥാനവും സെന്റ് മേരിസ് സ്‌കൂളിലെ വി എസ് ശിവാനി മൂന്നാം സ്ഥാനവും കരസ്ഥമാക്കി. വിജയികള്‍ക്ക് ട്രോഫികളും സര്‍ട്ടിഫിക്കറ്റുകളും കൈമാറി.
