ആലപ്പുഴ :
തലവടി സേവാഭാരതി ആംബുലന്‍സ് സമര്‍പ്പണവും പാലിയേറ്റീവ് കെയര്‍ വാര്‍ഷികവും നടന്നു. അപകടത്തില്‍ പെടുന്നവരേയും രോഗികളേയും അടിയന്തിരഘട്ടത്തില്‍ ആശുപത്രിയില്‍ എത്തിക്കാന്‍ കഴിയാത്ത സാഹചര്യത്തില്‍ നാടിന് ഒരു ആംബുലന്‍സിന്റെ സേവനം അത്യാവശ്യമാണെന്ന് തിരിച്ചറിഞ്ഞ സാഹചര്യത്തിലാണ് തലവടിയിലെ സേവാഭാരതി പ്രവര്‍ത്തകര്‍ പുതിയ ആംബുലന്‍സ് വാങ്ങി നാടിന് സമര്‍പ്പിച്ചത്. ചക്കുളത്തുകാവ് മുഖ്യകാര്യദര്‍ശി രാധാകൃഷ്ണന്‍ നമ്പൂതിരി ഭദ്രദീപ പ്രകാശനം നടത്തി.
ജില്ലാ സംഘചാലക് റിട്ട. കേണല്‍ റാം മോഹന്‍ ഉദ്ഘാടനം ചെയ്തു. സേവാഭാരതി തലവടി പ്രസിഡന്റ് ഗോകുല്‍ ചക്കുളത്തുകാവ് അധ്യക്ഷത വഹിച്ചു. പനയന്നൂര്‍കാവ് മുഖ്യകാര്യദര്‍ശി ആനന്ദന്‍ നമ്പൂതിരി അനുഗ്രഹപ്രഭാഷണം നടത്തി. ആംബുലന്‍സ് ഫ്‌ളാഗ് ഓഫ് കര്‍മ്മം പടിഞ്ഞാറേക്കര മര്‍ത്തോമ്മ ഇടവക വികാരി ഫാ. സുനില്‍ മാത്യു നിര്‍വ്വഹിച്ചു. കേരള സംസ്‌കൃത അധ്യാപക സംഘടന സംസ്ഥാന സെക്രട്ടറി പി. കൃഷ്ണപ്രിയ മുഖ്യപ്രഭാഷണം നടത്തി. സാമൂഹിക പ്രവര്‍ത്തകനായ വാവ സുരേഷ് ഹരിതകര്‍മസേന അംഗങ്ങളെ ആദരിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഗ്രാമപഞ്ചായത്ത് പ്രസിഡന്റ് ഗായത്രി ബി. നായര്‍ ആശ വര്‍ക്കര്‍മാരെ ആദരിച്ചു. ജില്ലാ പഞ്ചായത്ത് ആരോഗ്യ സ്റ്റാന്‍ഡിങ് കമ്മിറ്റി ചെയര്‍മാന്‍ ബിനു ഐസക് രാജു ചികിത്സ സഹായ വിതരണം നടത്തി. ബ്ലോക്ക് പഞ്ചായത്തംഗം അജിത്ത് പിഷാരത്ത്, ഗ്രാമപഞ്ചായത്തംഗം ബിനു സുരേഷ്, സേവാഭാരതി ജില്ലാ എക്‌സിക്യൂട്ടീവ് കമ്മിറ്റിയംഗം സലീം ഗോപാലകൃഷ്ണന്‍, ആര്‍എസ്എസ് ജില്ലാ കാര്യകാര്യയംഗം കെ. ബിജു, സേവാഭാരതി ജില്ലാ എക്‌സിക്യൂട്ടീവ് കമ്മിറ്റിയംഗം എം. എസ് മധുസൂദനന്‍, സേവാഭാരതി തലവടി സെക്രട്ടറി വിനീഷ് വി. സി, ട്രഷറാര്‍ സന്തോഷ്, വൈസ് പ്രസിഡന്റുമാരായ പീയൂഷ് പി. പ്രസന്നന്‍, ആത്മജ, ജോയിന്റ് സെക്രട്ടറി അനന്തു നെല്ലിശ്ശേരി എന്നിവര്‍ പ്രസംഗിച്ചു.
