ആലപ്പുഴ : സംസ്ഥാന സ്‌കൂള്‍ ശാസ്ത്ര മേളയോട് അനുബന്ധിച്ച് സെന്റ് അലോഷ്യസ് ഹയര്‍ സെക്കന്‍ഡറി സ്‌കൂളില്‍ എത്തിയ ദീപശിഖ റാലിക്ക് കുട്ടികളുടെയും അധ്യാപകരുടെയും നേതൃത്വത്തില്‍ സ്വീകരണം നല്‍കി. ജില്ലാ പഞ്ചായത്ത് അംഗം ബിനു ഐസക്ക് രാജു, പഞ്ചായത്ത് പ്രസിഡണ്ട് ലിജി വര്‍ഗീസ്, വാര്‍ഡ് മെമ്പര്‍ ജെയിന്‍ മാത്യു, കുട്ടനാട് ഡിഇഒ പി.എം ബാലകൃഷ്ണന്‍, തലവടി എഇഒ കെ. സന്തോഷ്, പ്രിന്‍സിപ്പല്‍ പി.സി. ജോബി, പ്രഥമ അധ്യാപകരായ ജിനോ ജോസഫ്, പ്രിയ ഫിലിപ്പ്, ടെസ്സി സാബു, റോസ് കെ. ജേക്കബ് എന്നിവര്‍ പ്രസംഗിച്ചു. അധ്യാപകരായ ജോര്‍ജ് ഫിലിപ്പ്, ജിസി കറുകയില്‍, അലക്‌സ് കെ. തോമസ്, വര്‍ഗീസ് കുര്യന്‍ എന്നിവര്‍ നേതൃത്വം നല്‍കി. ഇന്ന് രാവിലെ ഡോ. എം എസ് സ്വാമിനാഥന്റെ മങ്കൊമ്പ് തറവാട്ടില്‍ നിന്ന് ആരംഭിച്ച ദീപശിഖാ റാലി കുട്ടനാട്, ഹരിപ്പാട്, അമ്പലപ്പുഴ മണ്ഡലങ്ങളിലെ സ്വീകരണങ്ങള്‍ ഏറ്റുവാങ്ങി വൈകുന്നേരം ശതാബ്ദി മന്ദിരത്തില്‍ എത്തിച്ചേര്‍ന്നു.
