ആലപ്പുഴ : എടത്വ തലവടി കുന്തിരിക്കല്‍ സിഎംഎസ് ഹൈസ്‌കൂളില്‍ ഓപ്പണ്‍ ഷട്ടില്‍ ബാഡ്മിന്റണ്‍ ടൂര്‍ണമെന്റിന് തുടക്കം കുറിച്ചു. പ്രഥമ ഷട്ടില്‍ ബാഡ്മിന്റണ്‍ ടൂര്‍ണമെന്റിന്റെ ഉദ്ഘാടനം സ്‌കൂള്‍ മാനേജര്‍ റവ. മാത്യു ജിലോ നൈനാന്‍ നിര്‍വഹിച്ചു. ഹെഡ്മാസ്റ്റര്‍ റെജില്‍ സാം മാത്യു അധ്യക്ഷത വഹിച്ചു. സ്‌കൂള്‍ അങ്കണത്തില്‍ പുതുതായി നിര്‍മ്മിച്ച ഷട്ടില്‍ ബാഡ്മിന്റണ്‍ കോര്‍ട്ടില്‍ വച്ചാണ് മത്സരങ്ങള്‍ നടക്കുന്നത്. 15 വയസ്സിനു താഴെയും, മുകളിലും പ്രായമുള്ള രണ്ടു ഗ്രൂപ്പുകളില്‍ സിംഗിള്‍സ്, ഡബിള്‍സ് ഇനങ്ങളിലാണ് മത്സരങ്ങള്‍ നടക്കുന്നത്. 7 ന് സമാപിക്കും. വിജയികള്‍ക്ക് മെമ്മോറിയല്‍ ട്രോഫികളും ക്യാഷ് അവാര്‍ഡും സര്‍ട്ടിഫിക്കറ്റും നല്‍കും.
Advertisements
