ആമ്പല്ലൂർ ശാഖയിൽ നേതൃത്വം പരിശീലന ക്യാമ്പ് നടത്തി; കേരളാ സ്പീച്ച് ഫൌണ്ടേഷൻ ചെയർമാൻ കെ എം നാസ്സർ ക്ലാസുകൾക്ക് നേതൃത്വം നൽകി.

കൊച്ചി: ആമ്പല്ലൂർ ശാഖയിൽ എസ് എൻ ഡിപി യോഗം കെ ആർ നാരായണൻ സ്മാരക തലയോലപ്പറമ്പ് യൂണിയനിൽ നേതൃത്വം പരീശീലന ക്യാമ്പ് നടത്തി. 1798 ആമ്പല്ലൂർ ശാഖയുടെ നേതൃത്വത്തത്തിൽ നടത്തിയ ക്യാമ്പ് യൂണിയൻ സെക്രട്ടറി അഡ്വ എസ് ഡി സുരേഷ് ബാബു ഉൽഘാടനം ചെയ്തു.

ശാഖാ പ്രസിഡന്റ്‌ എ ആർ മോഹനൻ അധ്യക്ഷത വഹിച്ചു. കേരളാ സ്പീച്ച് ഫൌണ്ടേഷൻ ചെയർമാൻ കെ എം നാസ്സർ പരിശീലന ക്ലാസുകൾക്ക് നേതൃത്വം നൽകി.

യോഗത്തിൽ വനിതാ സംഘം ഭാരവാഹികളായ -മായ മഹേഷ്‌, ദീപബാബു, പെൻഷനേഴ്സ് ഫോറം നേതാവ് ശശി കോലഞ്ചേരിൽ തുടങ്ങിയവർ പ്രസംഗിച്ചു. ശാഖ സെക്രട്ടറി കെപി ബിജീഷ് സ്വാഗതവും വൈസ് പ്രസിഡന്റ്‌ മനോഹരൻ പാന്ത്യാലയിൽ കൃതജ്ഞതയും പറഞ്ഞു.