കോട്ടയം: എയർ പിസ്റ്റളുമായി വീട്ടിൽ അതിക്രമിച്ചു കയറി ഭീഷണിപ്പെടുത്തിയ കേസിൽ യുവാവിനെ പോലീസ് അറസ്റ്റ് ചെയ്തു. പെരുമ്പായിക്കാട് മള്ളൂശ്ശേരി താഴെപള്ളിൽ വീട്ടിൽ സത്യൻ മകൻ അനന്തു സത്യൻ (25) എന്നയാളെയാണ് കോട്ടയം വെസ്റ്റ് പോലീസ് അറസ്റ്റ് ചെയ്തത്. ഇയാൾ കഴിഞ്ഞദിവസം ഇയാളുടെ ബന്ധുകൂടിയായ അനീഷ് തമ്പി എന്നയാളെയാണ് വീട്ടിൽ കയറി കയ്യിൽ കരുതിയിരുന്ന എയർ പിസ്റ്റളുമായി ഭീഷണിപ്പെടുത്തിയത്. ഇവർ തമ്മിൽ കുടുംബപരമായ പ്രശ്‌നങ്ങൾ നിലനിന്നിരുന്നു . പ്രതിക്ക് ഗാന്ധിനഗർ സ്റ്റേഷനിൽ അടിപിടി കേസ് നിലവിലുണ്ട്. കോട്ടയം വെസ്റ്റ് സ്റ്റേഷൻ ഹൗസ് ഓഫിസർ ഇൻസ്‌പെക്ടർ അനൂപ് കൃഷ്ണ, എസ്.ഐ ശ്രീജിത്ത് റ്റി, സി.പി.ഓ മാരായ ദിലീപ് വർമ്മ, വിഷ്ണു വിജയദാസ് എന്നിവർ ചേർന്നാണ് പ്രതിയെ അറസ്റ്റ് ചെയ്തത്. ഇയാളെ കോടതിയിൽ ഹാജരാക്കി റിമാൻഡ് ചെയ്തു.
Advertisements
