ഏറ്റുമാനൂർ : അതിരമ്പുഴയ്ക്ക് ഇത് അഭിമാന നിമിഷം. നാലു ദിവസങ്ങളിലായി കിടങ്ങൂരിൽ വച്ച് നടന്ന ഏറ്റുമാനൂർ ഉപ ജില്ലാ കലോത്സവത്തിൽ യുപി,ഹൈസ്കൂൾ വിഭാഗങ്ങളിൽ 60 ഇനങ്ങളിലായി സെന്റ് മേരീസിലെ 127 കുട്ടികൾ മത്സരിച്ചു. 48 എ ഗ്രേഡും 16 ഇനങ്ങളിൽ ജില്ലയിലേക്ക് മത്സരിക്കാൻ അർഹതയും നേടി. യു പി വിഭാഗത്തിൽ ഒന്നാം സ്ഥാനം, ഹൈസ്കൂൾ വിഭാഗത്തിലും ഒന്നാം സ്ഥാനം ഹൈസ്കൂൾ, യുപി ഓവറോൾ ചാമ്പ്യൻഷിപ്പ് എന്നീ നേട്ടങ്ങളും സെന്റ് മേരീസിലെ പെൺകുട്ടികൾ സ്വന്തമാക്കി. ഹെഡ്മിസ്ട്രസ് സിനി ജോസഫ്, കൺവീനർ ജൂബിൻ പി. ജോർജ് എന്നിവരുടെ നേതൃത്വത്തിൽ നടന്ന ചിട്ടയായ പരിശീലനത്തിലൂടെ ഉപജില്ലയിലെ ബെസ്റ്റ് എയ്ഡഡ് സ്കൂൾ ട്രോഫിയും അതിരമ്പുഴ സെന്റ് മേരീസ് നേടിയെടുത്തു.
Advertisements
