അതിരമ്പുഴ : സെന്റ് മേരിസ് ഗേൾസ് ഹൈസ്കൂളിലെ ക്രിസ്തുമസ് ആഘോഷം കുട്ടികൾക്ക് വ്യത്യസ്തമായൊരു അനുഭവമായി മാറി. തിരുപ്പിറവിയെ അനുസ്മരിപ്പിക്കുന്ന നൃത്തരൂപങ്ങളും സ്കിറ്റുകളുമൊക്കെ കുട്ടികൾ അവതരിപ്പിച്ചത് ചടങ്ങിനെ ആകർഷകമാക്കി. ഹെഡ്‌മിസ്‌ട്രസ് ലിജി മാത്യു, ഫാ. ബിനു കൂട്ടുമ്മേൽ, പിറ്റി എ വൈസ് പ്രസിഡന്റ് മഞ്ജു ജോർജ് എന്നിവർ ക്രിസ്തുമസ് സന്ദേശം നൽകി. സീനിയർ അസിസ്റ്റന്റ് ജാസ്മിൻ മാത്യു സ്വാഗതവും കൺവീനർ സി. ജിത്തുമോൾ തോമസ് നന്ദിയും പറഞ്ഞു. അദ്ധ്യാപകരുടെ നേതൃത്വത്തിൽ കുട്ടികൾക്ക് കേക്ക് മുറിച്ച് വിതരണം ചെയ്തു. പുതുവർഷത്തിലേക്ക് പ്രവേശിക്കുന്ന കുട്ടികളുടെ മനസ്സിൽപുതു പ്രതീക്ഷകൾ നൽകിയും മറക്കാനാവത്തൊരു നവോന്മേഷം പകർന്നുമാണ് സ്കൂളിലെ ക്രിസ്തുമസ് ആഘോഷങ്ങൾ സമാപിച്ചത്.
Advertisements
