കൊച്ചി: കൊച്ചി നഗരത്തിൽ ഓടുന്ന വാഹനത്തിനുള്ളിൽ ആക്രമിക്കപ്പെട്ട നടിയ്ക്ക് ചരിത്രത്തിൽ ആദ്യമായി പിൻതുണയുമായി സൂപ്പർ താരങ്ങളായ മോഹൻലാലും മമ്മൂട്ടിയും. നടി ഇൻസ്റ്റഗ്രാമിൽ പങ്കു വച്ച പോസ്റ്റിന് റെസ്പക്ട് എന്ന മറുപടിയോടെ ഷെയർ ചെയ്താണ് മോഹൻലാൽ നടിയ്ക്കുള്ള പിൻതുണ പങ്കു വച്ചത്. നേരത്തെ തന്നെ മമ്മൂട്ടിയും നടിയ്ക്കു പിൻതുണയുമായി രംഗത്ത് എത്തിയിരുന്നു.
‘ഇരയാക്കപ്പെടലിൽ നിന്നും അതിജീവനത്തിലേക്കുള്ള യാത്ര’ എന്ന് നടി സോഷ്യൽ മീഡിയയിൽ പങ്കുവെച്ച കുറിപ്പ് തന്റെ ഇൻസ്റ്റാഗ്രാം അക്കൗണ്ടിലൂടെ ‘റെസ്‌പെക്ട് ‘ എന്ന് കുറിച്ചുകൊണ്ടാണ് മോഹൻലാൽ തന്റെ പിന്തുണ രേഖപ്പെടുത്തിയത്. നേരത്തെ മമ്മൂട്ടിയും നടിയുടെ കുറിപ്പ് തൻറെ സോഷ്യൽ മീഡിയ അക്കൗണ്ടിലൂടെ പങ്ക് വെച്ചിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
നടി ആക്രമിക്കപ്പെട്ട സമയത്ത് നടിയ്‌ക്കൊപ്പം നിൽക്കാതെ ആക്രമണത്തിന് നേതൃത്വം നൽകിയതായി ആരോപണം ഉയർന്ന ദിലീപിനെ താര സംഘടനയായ അമ്മ പിൻതുണച്ചത് വിവാദമായി മാറിയിരുന്നു. ഇതേ തുടർന്നാണ് അമ്മ ദിലീപിനെ പുറത്താക്കാൻ പോലും തയ്യാറായത്. ഇതിനിടെയാണ് ഇപ്പോൾ വീണ്ടും സിനിമാ താരങ്ങൾ നടിയെ പിൻതുണച്ച് രംഗത്ത് എത്തിയിരിക്കുന്നത്.
നേരത്തെ പൃഥ്വിരാജും ഇന്ദ്രജിത്തും ജയസൂര്യയും അടക്കമുള്ള യുവത താരങ്ങളും, വനിതാ താരങ്ങളും സോഷ്യൽ മീഡിയ വഴി നടിയെ പിൻതുണച്ച് രംഗത്ത് എത്തിയിരുന്നു. പലരും നടിയുടെ ഫെയ്‌സ്ബുക്ക് , ഇൻസ്റ്റാഗ്രാം പോസ്റ്റുകൾ ഷെയർ ചെയ്താണ് രംഗത്ത് എത്തിയത്.
