കോട്ടയം : ഗ്രാമീണ ബാങ്കുകൾ സ്വകാര്യവത്ക്കരിക്കാനുള്ള കേന്ദ്ര സർക്കാർ നീക്കം ഉപേക്ഷിക്കണമെന്ന് കേരള ഗ്രാമീണ ബാങ്ക് എംപ്ലോയീസ് യൂണിയൻ / ഓഫീസേഴ്സ് യൂണിയൻ കോട്ടയം ഏരിയ സമ്മേളനം ആവശ്യപ്പെട്ടു. ബാങ്കിംഗ് മേഖലയിലെ താത്ക്കാലിക ജീവനക്കാരെ സ്ഥിരപ്പെടുത്തണമെന്ന് പ്രമേയത്തിലൂടെ സമ്മേളനം ആവശ്യപ്പെട്ടു.
Advertisements
കോട്ടയത്ത് നടന്ന ഏരിയ സമ്മേളനം ബി.ഇ.എഫ്.ഐ സംസ്ഥാന കമ്മിറ്റി അംഗം യു. അഭിനന്ദ് ഉദ്ഘാടനം ചെയ്തു. ബി.ഇ.എഫ്.ഐ വനിത കൺവീനർ രമ്യാ രാജ് അദ്ധ്യക്ഷതയിൽ ചേർന്ന യോഗത്തിൽ ഏരിയ കൺവീനർ അനീഷ് കുമാർ സി. സ്വാഗതവും മനു ദാസ് നന്ദിയും പറഞ്ഞു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കെ.ജി.ബി.ഒ.യു സംസ്ഥാന കമ്മിറ്റി അംഗം ലക്ഷ്മി.സി,കെ.ജി.ബി. ഇ.യു സംസ്ഥാന വൈസ് പ്രസിഡൻ്റ് വി.പി. ശ്രീരാമൻ തുടങ്ങിയവർ അഭിവാദ്യം അർപ്പിച്ച് സംസാരിച്ചു. ഏരിയ സമ്മേളനം മനുദാസിനെ കൺവീനറായും, ഗൗരി.ആർ നെ ജോ. കൺവീനറായും തെരഞ്ഞെടുത്തു.