കോട്ടയം: ഭരണഭാഷാ വാരാഘോഷത്തിന്റെ ജില്ലാതല സമാപനവും മത്സരവിജയികൾക്കുള്ള സമ്മാനവിതരണവും നവംബർ എട്ട് വെള്ളിയാഴ്ച നടക്കും. ഉച്ചകഴിഞ്ഞ് മൂന്നിന് കളക്‌ട്രേറ്റ് വിപഞ്ചിക ഹാളിൽ നടക്കുന്ന ചടങ്ങ് ജില്ലാ കളക്ടർ ജോൺ വി. സാമുവൽ ഉദ്ഘാടനം ചെയ്യും. വിവിധ മത്സരങ്ങളിൽ വിജയികളായവർക്കുള്ള സമ്മാനവിതരണവും ജില്ലാ കളക്ടർ നിർവഹിക്കും. വിവര-പൊതുജന സമ്പർക്ക വകുപ്പ് റീജണൽ ഡെപ്യൂട്ടി ഡയറക്ടർ കെ.ആർ. പ്രമോദ് കുമാർ അധ്യക്ഷത വഹിക്കും.അഡീഷണൽ ജില്ലാ മജിസ്ട്രേറ്റ് ബീന പി. ആനന്ദ്, സംസ്ഥാന ഓഡിറ്റ് സീനിയർ ഡെപ്യൂട്ടി ഡയറക്ടർ സാബു സി. ജോർജ്, ജില്ലാ മൃഗസംരക്ഷണ ഓഫീസർ ഡോ. കെ.ആർ. സജീവ് കുമാർ, ജില്ലാ സപ്ളൈ ഓഫീസർ സ്മിതാ ജോർജ്, ജില്ലാ ലേബർ ഓഫീസർ മിനോയ് ജെയിംസ്, ജില്ലാ പട്ടികജാതി വികസന ഓഫീസർ എം.എസ്. സുനിൽ, ജില്ലാ വനിത-ശിശുവികസന ഓഫീസർ ടിജു റെയ്ച്ചൽ തോമസ്, ജില്ലാ എംപ്ളോയ്മെന്റ് ഓഫീസർ ഒ.എസ്. ശ്രീകുമാർ, ജില്ലാ ഇൻഷുറൻസ് ഓഫീസർ എം.ബി. മനോജ് കുമാർ, സഹകരണ വകുപ്പ് ജോയിന്റ് രജിസ്ട്രാർ കെ.പി. സുധീർ, ജില്ലാ ഇൻഫർമേഷൻ ഓഫീസർ എ. അരുൺ കുമാർ, അസിസ്റ്റന്റ് എഡിറ്റർ ഇ.വി. ഷിബു എന്നിവർ പങ്കെടുക്കും. ഭരണഭാഷാവാരാഘോഷത്തിന്റെ ഭാഗമായി എല്ലാ ഓഫീസുകളിലും സെമിനാർ, ഭാഷാക്ലാസുകൾ, വിവിധ മത്സരങ്ങൾ എന്നിവ സംഘടിപ്പിച്ചിരുന്നു.
