കാറിനെ മറികടക്കാൻ ശ്രമിക്കുന്നതിനിടെ ബൈക്കിൽ നിന്നും തെറിച്ചു വീണ് ബസ്സിനടിയിൽ പെട്ടു ;മലപ്പുറത്ത് യുവാവിന് ദാരുണാന്ത്യം

മലപ്പുറം :കാറിനെ മറികടക്കാൻ ശ്രമിക്കവേ ബൈക്കിൽ നിന്ന് തെറിച്ചുവീണ യുവാവ് ബസിടയിൽപ്പെട്ട് മരിച്ചു. വേങ്ങര സ്വദേശി സലീം സഹദ് (24) ആണ് മരിച്ചത്. ശനിയാഴ്ച ഉച്ചക്ക് ഒരു മണിയോടെ ഊരകം പുത്തൻപീടികയ്ക്ക് സമീപമാണ് അപകടം.

പരപ്പനങ്ങാടിയിൽ നിന്നും മഞ്ചേരിയിലേക്ക് പോകുകയായിരുന്ന ബസിനടിയിൽ പ്പെട്ടാണ് അപകടം.

മലപ്പുറത്തു നിന്നും വേങ്ങരയിലേക്ക് വരികയായിരുന്ന സലീം സഹദ് ഒരു കാറിനെ മറികടക്കാൻ ശ്രമിക്കുന്നതിനിടെ തെറിച്ച് ബസിനിടിയിലേക്ക് വീഴുകയായിരുന്നു.

മൃതദേഹം തിരൂരങ്ങാടി താലൂക്ക് ആശുപത്രിയിലെ പോസ്റ്റ്‌മോർട്ടത്തിനു ശേഷം അരീക്കുളം ജുമാ മസ്ജിദ് കബർസ്ഥാനിൽ സംസ്കരിക്കും. ഉമ്മ: പരേതയായ മൈമൂന. സഹോദരങ്ങൾ: സലീമ, സൽമിയ്യ, സഫ്വാന, സഹല, സാലിമ.