നിലമ്ബൂർ: ജീപ്പും മോട്ടോർ ബൈക്കും കൂട്ടിയിടിച്ച് ബൈക്ക് യാത്രികനായ യുവാവ് മരിച്ചു. ചുങ്കത്തറയിലെ വെള്ളാരംപാറ വീട്ടിൽ ആദിൽ (22) ആണ് മരിച്ചത്. ഇൻഡസ്ടിയൽ ജോലിക്കാരനായ ആദിൽ രാവിലെ ചുങ്കത്തറയിലെ വീട്ടിൽ നിന്ന് ജോലിക്ക് പോയതായിരുന്നു. വൈദ്യുതി തടസം കാരണം ജോലിയില്ലാതിരുന്നതിനെ തുടർന്ന് തിരിച്ചു വരികയായിരുന്നു.
Advertisements
തിരുവാലി റോഡിൽ പൂവ്വത്തിക്കുന്ന് എന്ന സ്ഥലത്ത് വെച്ച് എതിരെ വരികയായിരുന്ന ജീപ്പുമായി കൂട്ടിയിടിക്കുകയായിരുന്നു. അപകടത്തെ തുടർന്ന് ഉടൻ തന്നെ നാട്ടുകാർ നിലമ്ബൂർ ജില്ലാ ആശുപത്രിയിലെത്തിച്ചെങ്കിലും രക്ഷപ്പെടുത്താനായില്ല. മൃതദേഹ പരിശോധനയെ തുടർന്ന് പോസ്റ്റുമോർട്ടം നടത്തി ബന്ധുക്കൾക്ക് വിട്ടുനൽകി. പിതാവ്: റഫീഖ്. മാതാവ്: ഷമീമ. സഹോദരങ്ങൾ: ദിൽഷ, അംന, സയാൽ, അഭാൻ.
