ചാന്നാനിക്കാട് വയോജനവേദിയുടെയും പനച്ചിക്കാട് ഗവ. ആയുർവേദ ആശുപത്രിയുടെയും മെഡിക്കൽ ക്യാമ്പ് ജൂലൈ 15 ന്

ചാന്നാനിക്കാട് വയോജനവേദിയുടെയും പനച്ചിക്കാട് ഗവ. ആയുർവേദ ആശുപത്രിയുടെയും സംയുക്താഭിമുഖ്യത്തിൽ വയോജന വേദിഹാളിൽവച്ച് സൗജന്യ ആയുർവേദ മെഡിക്കൽ ക്യാമ്പ് സംഘടിപ്പിയ്ക്കും. ജൂലൈ 15 ന് രാവിലെ 9-30ന് പള്ളം ബ്ലോക്ക്‌ പഞ്ചായത്ത്‌ പ്രസിഡന്റ് പ്രൊ. ടോമിച്ചൻ ജോസഫ് പരിപാടി ഉത്ഘാടനം ചെയ്യും.

വായോജനവേദി പ്രസിഡന്റ് ഡോ. ടി. എൻ. പരമേശ്വരക്കുറുപ്പിന്റെ അധ്യക്ഷതയിൽ നടക്കുന്ന സമ്മേളനത്തിൽ ബ്ലോക്ക്‌ വൈസ് പ്രസിഡന്റ് രജനി അനിൽ, ഗവ. ആയുർവേദ ആശുപത്രി സീനിയർ മെഡിക്കൽ ഓഫീസർ ഡോ. ശ്രീലത സി. വി. പഞ്ചായത്ത്‌ മെമ്പർ എൻ. കെ. കേശവൻ, വയോജന വേദി സെക്രട്ടറി സി. കെ. മോഹനൻ, ജോ. സെക്രട്ടറി ഭൂവനേശ്വരിയമ്മ തുടങ്ങിയവർ പ്രസംഗിയ്ക്കും.

ഗവ. ആയുർവേദ ആശുപത്രി ഹർഷം പ്രൊജക്റ്റ്‌ മെഡിക്കൽ ഓഫീസർ ഡോ. അഞ്ജു ചന്ദ്രൻ വാർദ്ധക്യകാല മാനസിക ആരോഗ്യം എന്ന വിഷയത്തിൽ ക്ലാസ്സ് എടുക്കും. ഡോ. ശ്രീലത സി. വി., ഡോ. അഞ്ജു ചന്ദൻ ഡോ. അഖിലേഷ് കെ. ആർ തുടങ്ങിയവർ ക്യാമ്പിന് നേതൃത്വം നൽകും. പങ്കെടുക്കുന്ന മുഴുവൻ ആളുകൾക്കും സൗജന്യമായി ആയുർവേദ ഔഷധങ്ങൾ വിതരണം ചെയ്യും.