കോട്ടയം : ചെങ്ങളം സെന്റ് ജോസഫ് എൽ .പി .സ്കൂളിന്റെ നേതൃത്വത്തിൽ സ്വാതന്ത്ര്യ ആഘോഷ വിളo ബരജാഥ സംഘടിപ്പിച്ചു. ‘കാഹളം , എന്ന് പേരിട്ട ഈ പരിപാടി ചെങ്ങളംസെന്റ് ജോസഫ് ഇടവക വികാരി ഫാ. അരുൺ CSCഫ് ളാഗ് ഓഫ് ചെയ്തു. തിരുവാർപ്പ് ഗ്രാമ പഞ്ചായത്ത് പ്രസിഡന്റ് അജയൻ . കെ. മേനോൻ പരിപാടി ഉദ്ഘാടനം ചെയ്തു. പുതു തലമുറയിലെ കുട്ടികൾക്ക് ദേശസ്നേഹവും ദേശാഭിമാനവും ഊട്ടിവളർത്തുന്നതിനുതകുന്ന സ്കിറ്റുകളും , ഫ് ളാഷ് മോബുകളും സംഘടിപ്പിച്ചു. അദ്ധ്യപകരും വിദ്യാർത്ഥികളും ചേർന്ന് ദേശഭക്തിഗാനം ആലപിച്ചു.
കുട്ടികൾ ഗാന്ധിജിയായും, നെഹ്റു വായും, ഇന്ദിരാ ഗാന്ധിയായും ,ത്സാൻസി റാണിയായും , സരോജിനി നായിഡുവായും വേഷമിട്ടത് കാണികൾക്ക് കൗതുകമായി. ദേശസ്നേഹം വിഷയമാക്കി വിവിധ കലാപരിപാടികൾ അരങ്ങേറി. പരിപാടിയിൽ സ്കൂൾ ഹെഡ് മാസ്റ്റർ ഷിബു കെ ആർ സ്വാഗതവും സ്റ്റാഫ് സെക്രട്ടറി തോമസ് .കെ .ജോർജ് നന്ദിയും പറഞ്ഞു. തിരുവാർപ്പ് ഗ്രാമ പഞ്ചായത്ത് മെമ്പർ ഷീന മോൾ പി എസ് , പി.റ്റി.എ. പ്രസിഡന്റ് സുനിത കുമാരി , വിദ്യാർത്ഥി പ്രതിനിധികുമാരി അഭിരാമി പി എസ് എന്നിവർ ആശംസകളർപ്പിച്ചു.അദ്ധ്യാപകരായ സിസ്റ്റർ ഗീത് സ്നേഹ, ഡയാനാ മോൾ പി.ബി ജോളി ഐസക് , റാഷിദ , ശ്രുതിഅനി, ക്രിസ്റ്റി എന്നിവർ പരിപാടികൾക്ക് നേതൃത്വം നൽകി.
