കോട്ടയം: ജില്ലാ ശിശുക്ഷേമസമിതി വാർഷികപൊതുയോഗം കളക്‌ട്രേറ്റ് കോൺഫറൻസ് ഹാളിൽ ചേർന്നു. ആർ.ആർ. ഡെപ്യൂട്ടി കളക്ടർ സജികുമാർ പൊതുയോഗം ഉദ്ഘാടനം ചെയ്തു. ശിശുക്ഷേമസമിതി വൈസ് പ്രസിഡന്റായ എ.ഡി.സി. ജനറൽ ജി. അനീസ് യോഗത്തിൽ അധ്യക്ഷത വഹിച്ചു. ശിശുക്ഷേമസമിതി ജനറൽ സെക്രട്ടറി കൃഷ്ണകുമാരി രാജശേഖരൻ വാർഷികറിപ്പോർട്ട് അവതരിപ്പിച്ചു. 2023-24 വർഷത്തെ വരവ് ചെലവു കണക്കും ബജറ്റും യോഗത്തിൽ അവതരിപ്പിച്ചു. തുടർന്നു റിപ്പോർട്ടിന്മേലുള്ള ചർച്ചയും സംഘടിപ്പിച്ചു. വൈസ് പ്രസിഡന്റ് ആർ. അനന്ദനാരായണ റെഡ്യാർ, ജോയിന്റ് സെക്രട്ടറി പി.ഐ. ബോസ്, ട്രഷറർ ടി. ശശികുമാർ, എക്‌സിക്യൂട്ടീവ് കമ്മിറ്റി അംഗം ഫ്‌ളോറി മാത്യൂ എന്നിവർ പ്രസംഗിച്ചു.
Advertisements