കോട്ടയം : കേരള ശാസ്ത്രസാഹിത്യ പരിഷത്ത് ചിങ്ങവനം യൂണിറ്റിന്റെ ആഭിമുഖ്യത്തിൽ ചിങ്ങവനം ഗവണ്മെന്റ് യു. പി. സ്കൂളിന് ശാസ്ത്ര പുസ്തകങ്ങൾ നൽകി. ഈ സ്കൂളിലെ പ്രധാന അദ്ധ്യാപകനും സജീവ പൊതു പ്രവർത്തകനും ആയിരുന്ന കെ. കെ. രാജപ്പൻ സാറിന്റെ സ്മരണക്കായി പുത്രൻ രാജീവ് ,സ്കൂൾ ലൈബ്രറിയിലേക്ക് 10000/രൂപയുടെ ശാസ്ത്ര പുസ്തകങ്ങൾ, പരിഷത്തിന്റെ അഭ്യർത്ഥന പ്രകാരം നൽകുകയായിരുന്നു. ജനുവരി 17ബുധൻ 1.30നു സ്കൂൾ ഹാളിൽ നടന്ന ചടങ്ങിൽ രാജപ്പൻ സാറിന്റെ പ്രിയ പത്നിയും രാജീവിന്റെ അമ്മയും ഈ സ്കൂളിലെ ഹെഡ്മിസ്‌ട്രെസ്സും ആയിരുന്ന രാജമ്മ ടീച്ചറും പരിഷത്ത് ഭാരവാഹികളും ചേർന്നാണ് പുസ്തകം സ്കൂൾ ഹെഡ് മിസ്ട്രെസ് ജിജി റജീന ക്ക് കൈമാറിയത്. പി ടി എ പ്രസിഡന്റ്‌ രോഷ്നി വർഗീസിന്റെ അധ്യക്ഷത്തിൽ ചേർന്ന യോഗത്തിൽ വിജയകുമാർ ടി എസ് ജില്ലാ കമ്മറ്റി അംഗം, എസ് ഡി പ്രേംജി മേഖല സെക്രട്ടറി,പി എം അനിൽ മേഖല പ്രസിഡന്റ്‌ ബിനു ടി ജി യൂണിറ്റ് പ്രസിഡന്റ്‌ പ്രിൻസി സനൽ യൂണിറ്റ് സെക്രട്ടറി എന്നിവർ പ്രസംഗിച്ചു.
