കുമരകം : കുമരകത്ത് സവാരിക്ക് വിളിച്ചുവരുത്തി ഓട്ടോ ഡ്രൈവറെ ക്രൂരമായി മർദ്ദിച്ചു. സിഐടിയു കുമരകം ചന്തക്കവല യൂണിറ്റ് ഓട്ടോറിക്ഷ തൊഴിലാളി യൂണിയൻ കൺവീനർ കോയിക്കൽ ചിറ ഷിജോ ദേവസ്യക്കാണ് മർദ്ദനം ഏറ്റത്. തിങ്കളാഴ്ച വൈകുന്നേരം കുമരകം തെക്ക് ഭാഗത്തുള്ള മുത്തേരി മടയിലാണ് സംഭവം നടന്നത്.
ഫോൺ മുഖാന്തരം ബന്ധപ്പെട്ടാണ് ഷിജോ ദേവസ്യയെ സവാരിക്കായി മുത്തേരിമടയിലേക്ക് വിളിക്കുന്നത്. ഇവിടെ എത്തിയ ഷിജോയുടെ ഫോൺ നിലത്തെറിഞ്ഞു പൊട്ടിച്ച ശേഷം ക്രൂരമായി മർദ്ദിക്കുകയാണ് ചെയ്തതെന്ന് പരിക്കേറ്റ ഷിജോ കോട്ടയം മെഡിക്കൽ കോളേജിൽ നൽകിയ വിശദീകരണത്തിൽ പറയുന്നു. തലയ്ക്കും നടുവിനും കാര്യമായി പരിക്കേറ്റിട്ടുണ്ട്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
സിഐടിയു കൺവീനറെ മർദ്ദിച്ചത് പ്രതിഷേധിച്ച് ചൊവ്വാഴ്ച കുമരകം പഞ്ചായത്തിലെ ഓട്ടോറിക്ഷകൾ പണിമുടക്ക് നടത്തുമെന്ന് ഓട്ടോറിക്ഷ തൊഴിലാളി യൂണിയൻ പ്രസിഡണ്ട് ടി.വി സുധീർ സെക്രട്ടറി കെ ആർ ജോഷി എന്നിവർ അറിയിച്ചു.
