കോട്ടയം : കോട്ടയം സിഎംഎസ് കോളേജ് ചരിത്ര നിമിഷത്തിന് വേദിയാകുന്നു. സിഎംഎസ് കോളേജിലെ കോളേജ് ഡേ ആഘോഷങ്ങൾ ഉദ്ഘാടനം ചെയ്യുന്നത് കോളേജിലെ സുരക്ഷാ ജീവനക്കാർ . കോളേജ് കവാടത്തിലെ സെക്യൂരിറ്റി ജീവനക്കാരായ സ്റ്റാലിൻ , കുട്ടപ്പൻ എന്നിവരാണ് കോളേജ് ഡേയും പി ജി ഡേയും ഉദ്ഘാടനം ചെയ്യുന്നത്. പ്രഥമ കോളേജ് എന്ന ചരിത്രമുറങ്ങുന്ന സി എം എസിൽ മറ്റൊരു ചരിത്രനിമിഷത്തിന് കൂടി ഇതിലൂടെ വേദിയാവുകയാണ്. ഇതിന് അവസരമൊരുക്കുന്നതാകട്ടെ എസ്എഫ്ഐയും. വർഷങ്ങളായി കോളേജ് കവാടത്തിൽ സെക്യൂരിറ്റിയായിരുന്ന സ്റ്റാലിനെ കോളേജ് ഡേ ഉദ്ഘാടനം ചെയ്യുവാനായി എസ്എഫ്ഐ നേതൃത്വം നൽകുന്ന കോളേജ് യൂണിയൻ തീരുമാനിക്കുകയായിരുന്നു.
യൂണിയൻ്റെ താൽപ്പര്യം പ്രിൻസിപ്പാളിനെ അറിയിച്ചപ്പോൾ പ്രിൻസിപ്പാൾ വിദ്യാർത്ഥികളുടെ തീരുമാനത്തിന് ഒപ്പം നിൽക്കുകയായിരുന്നു. ഇതോടെയാണ് സ്റ്റാലിൻ കോളേജ് ഡേ ഉദ്ഘാടനം ചെയ്യുവാൻ തിരഞ്ഞെടുക്കപ്പെട്ടത്. സ്റ്റാലിൻ സി പി എം ലോക്കൽ കമ്മിറ്റി അംഗമാണ്. കോളേജിലെ മറ്റൊരു സെക്യൂരിറ്റിയായ കുട്ടപ്പൻ പി ജി ഡേ യുടെ ഉദ്ഘാടനം നിർവ്വഹിക്കും. ഇന്ന് കോളേജ് മാഗസിൻ്റെ പ്രകാശനവും കോളേജിൽ നടക്കും കോളേജിലെ പൂർവ്വ വിദ്യാർത്ഥിയും കവിയുമായ സാം മാത്യു എ ഡി മാഗസിൻ പ്രകാശനം നിർവഹിക്കും
