ലണ്ടൻ : മുതിർന്ന കോൺഗ്രസ്‌ നേതാവും കർണാടകയിൽ നിന്നുമുള്ള രാജ്യസഭാ അംഗവും എഐസിസി പ്രസിഡന്റിന്റെ ഓഫീസ് ചുമതലയുള്ള കോൺഗ്രസ്‌ വർക്കിംഗ്‌ കമ്മിറ്റി അംഗവുമായ ഡോ. സെയ്ദ് നാസർ ഹുസൈൻ, പഞ്ചാബ് ഷാഹ്കോട്ട് നിയമസഭ മണ്ഡലത്തിൽ നിന്നുമുള്ള എം എൽ എ ഹർദേവ്സിങ് ലഡ്ഢി ഷെറോവാലിയ എന്നിവർക്ക് ഇന്ത്യൻ ഓവർസീസ് കോൺഗ്രസ്‌ (യു കെ) – യുടെ നേതൃത്വത്തിൽ യു കെയിൽ വൻ സ്വീകരണം ഒരുക്കുന്നു. ചടങ്ങുകൾ ജൂലായ് 12 വെള്ളിയാഴ്ച) വൈകിട്ട് 6 മണി മുതൽ വെസ്റ്റ് ലണ്ടനിലുള്ള ഐസ്ൽവർത്തിലെ ഓസ്റ്റർലി പാർക്ക്‌ ഹോട്ടലിൽ വെച്ച് നടക്കും. ഐഒസി യു കെ പ്രസിഡന്റ്‌ കമൽ ദലിവാലിന്റെ അധ്യക്ഷതയിൽ സംഘടിപ്പിക്കുന്ന ചടങ്ങിൽ ഐ ഒസി – യുടെയും കോൺഗ്രസ്‌ പാർട്ടിയുടെയും മുതിർന്ന നേതാക്കൾ പങ്കെടുക്കും.
Advertisements
