കോട്ടയം : പ്രായപൂർത്തിയാകാത്ത പെൺകുട്ടിയെ പീഡിപ്പിക്കാൻ ശ്രമിച്ച കേസിൽ ഒരാളെ പോലീസ് അറസ്റ്റ് ചെയ്തു. വാകത്താനം കാരക്കാട്ട് കുന്ന് ഭാഗത്ത് ഇടത്തുംകടവിൽ വീട്ടിൽ സണ്ണി മകൻ കൊഞ്ച് എന്ന് വിളിക്കുന്ന സുബി ജോൺ (22) എന്നയാളെയാണ് വാകത്താനം പോലീസ് അറസ്റ്റ് ചെയ്തത്. ഇയാൾ അതിജീവതയെ പ്രണയം നടിച്ച് പീഡിപ്പിക്കുകയായിരുന്നു.
Advertisements
അതിജീവിതയുടെ പരാതിയെ തുടർന്ന് കറുകച്ചാൽ പോലീസ് കേസ് രജിസ്റ്റർ ചെയ്യുകയും ഇയാളെ പിടികൂടുകയുമായിരുന്നു. സ്റ്റേഷൻ ഹൗസ് ഓഫിസർ ഇൻസ്പെക്ടർ ഋഷികേശൻ നായർ, എസ്. ഐ അനിൽകുമാർ, എ.എസ്. ഐ മാരായ തോമസ് ജോസഫ്, സുനിൽകുമാർ കെ.എസ്, സി.പി.ഓ മാരായ ലാൽചന്ദ്രൻ, പ്രദീപ് വർമ്മ, അഭിലാഷ് എന്നിവർ ചേർന്നാണ് ഇയാളെ അറസ്റ്റ് ചെയ്തത്. ഇയാളെ കോടതിയില്‍ ഹാജരാക്കി.
