കോട്ടയം: നിരവധി ക്രിമിനൽക്കേസുളിൽ പ്രതിയായ യുവാവിനെ കാപ്പ ചുമത്തി ജില്ലാ പൊലീസ് നാട് കടത്തി. രാമപുരം ആനന്ദഭവനം വീട്ടിൽ സോമനാഥൻ മകൻ ശരത് സോമനാഥൻ(23) എന്നയാളെയാണ്‌ കാപ്പാ നിയമപ്രകാരം കോട്ടയം ജില്ലയിൽ നിന്നും ആറു മാസക്കാലത്തേക്ക് നാടുകടത്തിയത്. ജില്ലാ പോലീസ് മേധാവി കെ.കാർത്തിക്കിന്റെ റിപ്പോർട്ടിന്റെ അടിസ്ഥാനത്തിലാണ് നടപടി.
Advertisements
ഇയാൾക്ക് മേലുകാവ്, കൂത്താട്ടുകുളം, പെരുമ്പാവൂർ, കാലടി, മൂവാറ്റുപുഴ,പാലക്കാട് ടൗൺ സൗത്ത് സ്റ്റേഷൻ എന്നിവിടങ്ങളിലായി നിരവധി മോഷണം, കവർച്ച എന്നീ കേസുകൾ നിലവിലുണ്ട്. ജനങ്ങളുടെ സ്വൈര്യ ജീവതത്തിന് തടസ്സം സൃഷ്ടിക്കുന്ന കുറ്റവാളികൾക്കെതിരെ ശക്തമായ നിയമനടപടിയാണ് ജില്ലാ പോലീസ് സ്വീകരിച്ചുവരുന്നത്. തുടർന്നും ഇത്തരക്കാർക്കെതിരെ കാപ്പാ പോലുള്ള ശക്തമായ നിയമനടപടി സ്വീകരിക്കുമെന്നും ജില്ലാ പോലീസ് മേധാവി പറഞ്ഞു.
