മുഹമ്മ : സൈക്കിളുകള്‍ മാത്രം വിജയകരമായി മോഷ്ടിച്ചിരുന്ന കള്ളന്‍ ഒരു മോട്ടോര്‍ മോഷണം നടത്തിയപ്പോള്‍ പോലീസ് പിടിയിലായി. മുഹമ്മ പോലീസ് സ്‌റ്റേഷന്‍ പരിധിയിലാണ് സംഭവം. ആലപ്പുഴ ആശ്രമം വാര്‍ഡില്‍ സതീഷ് കുമാറിനെ നാട്ടുകാരുടെ സഹായത്തോടെ പോലീസ് പിടികൂടിയത്, മുഹമ്മ പഞ്ചായത്തിലെ വിവിധ സ്ഥലങ്ങളില്‍ നിന്നും സ്‌കൂള്‍ കുട്ടികളുടെ ആറോളം സൈക്കിളുകള്‍ മോഷ്ടിച്ച പ്രതി പമ്പിംഗ് മോട്ടോര്‍ മോഷ്ടിച്ച സംഭവത്തിലാണ് പോലീസ് പിടിയിലായത്. തുടര്‍ന്നാണ് ആറോളം സൈക്കിളുകളു മോഷ്ടിച്ചതായി പോലീസ് മനസ്സിലാക്കിയതെന്ന് പോലീസ് പറഞ്ഞു. പ്രതിയെ കോടതിയില്‍ ഹാജരാക്കി റിമാന്റ് ചെയ്തു. എസ്.എച്ച്.ഒ രാജ് കുമാറിന്റെ നേതൃത്വത്തില്‍ എസ്.ഐ നാരായണനുണ്ണി , അനീഷ്.കെ.ദാസ് , സി.പി.ഒ മാരായ സുജിത്ത് , ശ്യാംലാല്‍ , അനീഷ് എന്നിവരാണ് അന്വേഷണ സംഘത്തില്‍ ഉണ്ടായിരുന്നത്.
Advertisements
