അന്ധവിശ്വസങ്ങൾക്കും അനാചാരങ്ങൾക്കുമെതിരെ വൈക്കത്ത് ബാലസംഘം സ്നേഹ സദസ്സ് സംഘടിപ്പിച്ചു

വൈക്കം : സമൂഹത്തിൽ വർധിച്ചു വരുന്ന അന്ധവിശ്വസങ്ങൾക്കും അനാചാരങ്ങൾക്കുമെതിരെ ബാലസംഘം വൈക്കം ഏരിയാ കമ്മിറ്റിയുടെ നേതൃത്വത്തിൽ സ്നേഹ സദസ്സ് സംഘടിപ്പിച്ചു. വൈക്കം പി കൃഷ്ണപിള്ള സ്മാരക മന്ദിരത്തിൽ സംഘടിപ്പിച്ച സ്നേഹ സദസ്സ് കെ എസ് ടി എ വൈക്കം ഉപജില്ലാ എക്സിക്യൂട്ടീവ് കമ്മിറ്റി അംഗം എ പി തിലകൻ ഉദ്ഘാടനം ചെയ്തു. ബാലസംഘം ഏരിയ പ്രസിഡന്റ് ഗൗതം കൃഷ്ണൻ അധ്യക്ഷനായി. ബാലസംഘം ജില്ലാ ജോയിന്റ് കൺവീനർ പി രമേശൻ, അക്കാദമി കമ്മിറ്റി കൺവീനർ സി ടി മേരി, ഏരിയ കൺവീനർ എ പി നന്ദകുമാർ, ഏരിയാ സെക്രട്ടറി അനഘ തമ്പാൻ എന്നിവർ സംസാരിച്ചു. ചടങ്ങിൽ എൽ എസ് എസ്, യു എസ് എസ് സ്കോളർഷിപ്പ് നേടിയ കുട്ടികളെ ആദരിച്ചു.