ന്യൂസ് ഡെസ്ക് : ദേവസ്വം മന്ത്രി കെ രാധാകൃഷ്ണനെ വിമര്‍ശിച്ച്‌ നടൻ ഹരീഷ് പേരടി. ജാതീയത നേരിട്ട ദേവസ്വം മന്ത്രിക്ക് അത് പുരോഗമന കേരളത്തോട് പറയാൻ ഏഴുമാസം വേണ്ടിവന്നു. ബുദ്ധിയുള്ളവര്‍ ഈ വിഷയത്തോട് പ്രതികരിക്കുക ഇനിയും ഏഴുമാസം കഴിഞ്ഞ് മാത്രമാണ്. ഈ പ്രതികരണം തന്നെ പാതി ബുദ്ധിയില്ലായ്മയും, പാതി നിവൃത്തിയില്ലായ്മയുമാണെന്നും നടൻ ഫേസ്ബുക്കില്‍ കുറിച്ചു.
Advertisements
കഴിഞ്ഞ ദിവസമാണ് തനിക്ക് നേരിടേണ്ടി വന്ന ജാതി വിവേചനത്തെക്കുറിച്ച്‌ മന്ത്രി കെ രാധാകൃഷ്ണൻ പൊതുവേദിയില്‍ വെളിപ്പെടുത്തിയത്. ഈ സമീപനത്തിന് അതേ വേദിയില്‍ തന്നെ പ്രതിഷേധം അറിയിച്ചെന്നും മന്ത്രി പറഞ്ഞിരുന്നു. എന്നാല്‍ സംഭവം മന്ത്രിയുടെ തെറ്റിധാരണ മൂലം സംഭവിച്ചതാണെന്നാണ് അഖില കേരള ശാന്തി ക്ഷേമ യൂണിയന്റെ വിശദീകരണം. അഖില കേരള തന്ത്രി സമാജവും സമാനമായ രീതിയില്‍ വിശദീകരണവുമായി രംഗത്തെത്തിയിരുന്നു.
