തിരുവനന്തപുരം: മൂന്നാം ക്‌ളാസുകാരനെ നിർബന്ധിച്ച് ബിയർ കുടിപ്പിച്ച സംബവത്തിൽ കേസെടുത്ത പൊലീസ് ഇളയച്ഛനെ അറസ്റ്റ് ചെയ്തു. നെയ്യാറ്റിൻകര തൊഴുക്കൽ സ്വദേശിയായ മനുവാണ് പൊലീസ് പിടിയിലായത്. തിരുവോണ ദിവസമാണ് ഇയാൾ കുട്ടിയെ നിർബന്ധിച്ച് ബിയർ കുടിപ്പിച്ചത് . ഇതിന്റെ ദൃശ്യങ്ങളും പകർത്തിയിരുന്നു.
Advertisements
‘കുടിയെടാ ആരു ചോദിക്കാൻ’ എന്ന് മനു കുട്ടിയോട് പറയുന്ന വീഡിയോ ദൃശ്യങ്ങൾ വാട്‌സ് ആപ്പ് ഗ്രൂപ്പുകൾ വഴി പ്രചരിച്ചിരുന്നു. ഇത് ശ്രദ്ധയിൽപ്പെട്ട രക്ഷിതാക്കൾ നെയ്യാറ്റിൻകര പൊലീസിൽ വിവരം അറിയിക്കുകയും തുടർന്ന് മനുവിനെ കസ്റ്റഡിയിലെടുക്കുകയുമായിരുന്നു. ഇയാൾ എട്ട് വയസ്സ് മാത്രമുള്ള കുട്ടിയെ കൂട്ടി ബീവറേജസ് ഔട്ട് ലെറ്റിൽ പോയി മദ്യം വാങ്ങി എന്നാണ് പൊലീസ് വ്യക്തമാക്കുന്നത്.
