തിരുവനന്തപുരം: ഡിവൈഎഫ്‌വൈ പ്രവര്‍ത്തകരെ പോലീസ് മര്‍ദിച്ചെന്ന് ആരോപിച്ച്‌ സിപിഎം പ്രവര്‍ത്തകര്‍ പ്രതിഷേധം നടത്തിയ പേട്ട സ്‌റ്റേഷനില്‍ എസ്‌ഐ ഉള്‍പ്പെടെയുള്ള പോലീസുകാര്‍ക്ക് സ്ഥലം മാറ്റം. എസ്‌ഐമാരായ എം. അഭിലാഷ്, എസ്. അസീം, ഡ്രൈവര്‍ മിഥുന്‍ എന്നിവര്‍ക്കെതിരെയാണ് നടപടി. എസ്.ഐമാരെ ജില്ലാ ക്രൈം ബ്രാഞ്ചിലേക്കും ഡ്രൈവറെ എ.ആര്‍. ക്യാമ്ബിലേക്കുമാണ് മാറ്റിയത്.
ചൊവ്വാഴ്ച വൈകിട്ടാണ് സ്റ്റേഷനിലേക്ക് സി.പി.എം. പ്രവര്‍ത്തകര്‍ പ്രതിഷേധവുമായി പോലീസ് സ്‌റ്റേഷനിലെത്തിയത്. സ്റ്റേഷനിലേക്ക് തള്ളിക്കയറാന്‍ ശ്രമിച്ച പ്രവര്‍ത്തകരെ പോലീസ് ലാത്തിവീശി തടഞ്ഞു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഇതോടെ സംഘര്‍ഷമുണ്ടാകുകയും സ്‌റ്റേഷന് മുന്നില്‍ പ്രവര്‍ത്തകര്‍ സമരം തുടങ്ങുകയായിരുന്നു. സമരം അവസാനിപ്പിക്കാനായി ഉദ്യോഗസ്ഥരെ മാറ്റാമെന്ന സിപിഎം ജില്ലാ സെക്രട്ടറി വി. ജോയി എംഎല്‍എയും സിറ്റി പോലീസ് കമ്മിഷണറും തമ്മിലുണ്ടാക്കിയ ഒത്തുതീര്‍പ്പിന്റെ ഭാഗമായായിരുന്നു നടപടി.
