കോട്ടയം : പാര്‍ലമെന്റ് മണ്ഡലം എൽഡിഎഫ് സ്ഥാനാര്‍ത്ഥി തോമസ് ചാഴികാടന് വേണ്ടി വോട്ടഭ്യര്‍ത്ഥിച്ച് മന്ത്രി രാമചന്ദ്രന്‍ കടന്നപ്പള്ളി.കോട്ടയം മണ്ഡലത്തിലെ സ്ഥാനാർത്ഥിയുടെ വാഹന പ്രചരണം പനച്ചിക്കാട് പഞ്ചായത്തിലെ നെല്ലിക്കലില്‍ എത്തിയപ്പോഴാണ് പ്രവര്‍ത്തകരെ ആവേശഭരിതരാക്കി കടന്നപ്പള്ളിയെത്തിയത്. തുറന്ന വാഹനത്തില്‍ സ്ഥാനാര്‍ത്ഥിക്കൊപ്പം സഞ്ചരിച്ചാണ് അദ്ദേഹം ജനങ്ങളോട് വോട്ടഭ്യര്‍ത്ഥിച്ചത്. രാജ്യം കടന്നു പോകുന്ന പ്രതിസന്ധി ഘട്ടത്തെ അതിജീവിക്കാന്‍ ചാഴികാടന് ഉള്‍പ്പെടെ എല്ലാ ഇടതുപക്ഷ ജനാധിപത്യ മുന്നണി സ്ഥാനാര്‍ത്ഥികളും വിജയിക്കണമെന്നും നിലപാടില്‍ ഉറച്ചു നില്‍ക്കുന്ന എൽഡിഎഫിലാണ് ജനങ്ങളുടെ പ്രതീക്ഷയെന്നും അദ്ദേഹം പറഞ്ഞു. സ്ഥാനാര്‍ത്ഥിയെ ആശ്ലേഷിച്ച് വിജയാശംസകള്‍ നേര്‍ന്ന് പ്രദേശത്തെ വോട്ടര്‍മാരോട് നേരിട്ട് വോട്ടഭ്യര്‍ത്ഥിച്ച ശേഷമാണ് മന്ത്രി മടങ്ങിയത്.
Advertisements
