അട്ടപ്പാടി: പാലക്കാട് കാട്ടാനയുടെ ആക്രമണത്തിൽ കുടുംബത്തിന്റെ മുന്നിൽ യുവാവിന് ദാരുണമരണം. വിദ്യാർത്ഥിയായ ആദിവാസി യുവാവിനെയാണ് തേൻ ശേഖരിക്കാൻ പോയി മടങ്ങുന്നതിനിടെ കാട്ടാന ചവിട്ടിക്കൊന്നത്. അട്ടപ്പാടി കിണറ്റുകരയിൽ ഊരിലെ സഞ്ജു (16)വിനെയാണ് കാട്ടാന ചവിട്ടിക്കൊന്നത്.
Advertisements
രണ്ട് ദിവസം മുമ്പാണ് കുടുംബാംഗങ്ങളോടൊപ്പം സഞ്ജു തേൻ ശേഖരിക്കുന്നതിന് വേണ്ടി വനത്തിൽ പോയത്. രണ്ട് ദിവസം കാട്ടിൽ താമസിച്ച് തേൻ ശേഖരിച്ച ശേഷം ഊരിലേക്ക് മടങ്ങുന്നതിനിടെ ആനയുടെ മുന്നിൽപ്പെടുകയായിരുന്നു. അഗളി ജി വി എച്ച് എസ് എസിലെ എട്ടാം ക്‌ളാസ് വിദ്യാർത്ഥിയാണ് മരിച്ച സഞ്ജു.
