കോട്ടയം : ഏറ്റുമാനൂരിൽ പോലീസുകാരനെ ചവിട്ടിക്കൊന്ന കേസിൽ കുറ്റപത്രം തയ്യാറായി. കേസിലെ പ്രതി പെരുമ്പായിക്കാട് മാമ്മൂട് ഭാഗത്ത് ആനിക്കൽ വീട്ടിൽ ജിബിൻ ജോർജി (27) ന്ന് എതിരെയാണ് കുറ്റപത്രം തയ്യാറായത്. കോട്ടയം വെസ്റ്റ് പോലീസ് സ്റ്റേഷനിലെ ഡ്രൈവറായിരുന്ന മാഞ്ഞൂര്‍ തട്ടാംപറമ്ബില്‍ ചിറയില്‍ ശ്യാം പ്രസാദ് (44) ആണ് കൊല്ലപ്പെട്ടത്.
കഴിഞ്ഞ ഫെബ്രുവരി മൂന്നിന് രാത്രിയോടെ ഡ്യൂട്ടി കഴിഞ്ഞ് മടങ്ങും വഴി ശ്യാമപ്രസാദ് തെള്ളകത്തെ തട്ടുകടയില്‍ ഭക്ഷണം കഴിക്കാന്‍ കയറിയപ്പോഴാണ് അവിടെ കടക്കാരനുമായി ജിബിന്‍ വഴക്കുണ്ടാക്കുന്നത് ശ്രദ്ധയില്‍ പെട്ടത്. വന്നത് ഒരു പൊലീസുകാരനാണെന്ന് കടക്കാരന്‍ പറഞ്ഞതോടെ ജിബിന്‍ കൂടുതല്‍ പ്രകോപിതനാകുകയും പൊലീസുകാരനാണെങ്കില്‍ എന്തുചെയ്യുമെന്ന് ചോദിക്കുകയുമായിരുന്നു. ഇതേത്തുടര്‍ന്ന് ജിബിനും ശ്യാമപ്രസാദും തമ്മില്‍ സംഘര്‍ഷമുണ്ടായി. ഇതിനിടെ താഴെ വീണ ശ്യാമപ്രസാദിനെ ജിബിന്‍ ചവുട്ടി പരുക്കേല്‍പ്പിക്കുകയായിരുന്നു. ശ്യാമപ്രസാദിനെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
ഏറ്റുമാനൂരിൽ പൊലീസുകാരനെ ചവിട്ടി കൊന്ന കേസ് : പ്രതിയ്ക്ക് എതിരെ കുറ്റപത്രം തയ്യാർ
Advertisements