കോട്ടയം കാണക്കാരിയിൽ കുടുംബവഴക്കിനെ തുടർന്ന് ഭർത്താവ് ഭാര്യയുടെ കൈ വെട്ടി; വെട്ടിയത് രണ്ടു കയ്യിലും; ഒരു കയ്യിലെ വിരലുകൾ അറ്റു പോയി

കോട്ടയം: കാണക്കാരിയിൽ ഭർത്താവിന്റെ ക്രൂരത ഭാര്യയോട്. കുടുംബ വഴക്കിനെ തുടർന്നാണ് കോട്ടയം ഏറ്റുമാനൂർ കാണക്കാരിയിൽ ഭർത്താവ് ഭാര്യയുടെ കൈ വെട്ടിയത്. രണ്ടു കയ്യിലും വെട്ടേൽക്കുകയും, വിരലുകൾ അറ്റു പോകുകയും ചെയ്ത കാണക്കാരി സ്വദേശി മഞ്ജുവിനെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഭാര്യയെ വെട്ടിപ്പരിക്കേൽപ്പിച്ച ഭർത്താവ് പ്രദീപിനെ ഏറ്റുമാനൂർ പൊലീസ് കസ്റ്റഡിയിൽ എടുത്തു. വെള്ളിയാഴ്ച രാവിലെ എട്ടരയോടെ കോട്ടയം ഏറ്റുമാനൂർ കാണക്കാരിയിലായിരുന്നു സംഭവങ്ങൾ. കുടുംബവഴക്ക് ഉണ്ടായതിന്റെ ദേഷ്യത്തിലാണ് ഭർത്താവ് കത്തിയെടുത്ത് ഭാര്യയെ വെട്ടിയെന്നു സൂചന.