തലയോലപ്പറമ്പ് : തലയോലപ്പറമ്പ് ഫാർമേഴ്സ് സർവ്വിസ് സഹകരണ ബാങ്ക് പ്രസിഡന്റ് എം.ജെ.ജോർജിന് സഹകാരി പുരസ്കാരം. വൈക്കം സർക്കിൾ സഹകരണ യൂണിയൻ ഏർപ്പെടുത്തിയ വൈക്കം താലൂക്കിലെ ഏറ്റവും മികച്ച സഹകാരിയ്ക്കുള്ള കെ.എ. അപ്പച്ചൻ സ്മാരക സഹകരിപുരസ്കാരമാണ് എം.ജെ. ജോർജിന് ലഭിച്ചത്. 40 വർഷമായി സഹകരണ രംഗത്ത് സജീവമായി നിൽക്കുന്ന ഇദ്ദേഹം കോട്ടയം ജില്ലയിലെ മുതിർന്ന സഹകാരി കൂടിയാണ്. വൈക്കം സർക്കിൾ സഹകരണ യൂണിയൻ ചെയർമാൻ പി. ഹരിദാസന്റെ നേതൃത്വത്തിലുള്ള ഭരണ സമിതിയാണ് ഇദ്ദേഹത്തെ പുരസ്കാരത്തിനായി തിരഞ്ഞെടുത്തത്. താലൂക്ക്തല സഹകരണ വാര ഘോഷത്തോടനുബന്ധിച്ച് 16 ന് കടുത്തുരുത്തിയിൽ നടക്കുന്ന സമ്മേളനത്തിൽ പുരസ്കാരം നൽകി ആദരിക്കും.
Advertisements
