ഞങ്ങളുമുണ്ടേ!  ഫോൾഡബിൾ സ്മാർട്ട്‌ഫോൺ പുറത്തിറക്കി മത്സരം കടുപ്പിച്ച് വൺപ്ലസ് 

റിപ്പോർട്ടർ : ശ്രീജേഷ് സി ആചാരി

ഫോൾഡബിൾ സ്മാർട്ട്‌ഫോൺ മേഖലയിലേക്ക് ചുവടുവെച്ച് വൺപ്ലസ്. കമ്പനിയിൽ നിന്നുള്ള  ആദ്യത്തെ ഫോൾഡബിൾ സ്മാർട്ട്‌ഫോണായ ‘ഓപ്പൺ’ പുറത്തിറങ്ങി. ക്വാൽകോമിന്റെ മുൻനിര സ്‌നാപ്ഡ്രാഗൺ 8 ജെൻ 2 ചിപ്പിന്റെ കരുത്തോടെ എത്തുന്ന ഈ സ്മാർട്ട്‌ഫോൺ മികച്ച ക്യാമറ ക്വാളിറ്റിയും ഫീച്ചറുകളുമാണ് സമ്മാനിക്കുന്നത്. 16ജിബി + 512ജിബി എന്ന ഏക സ്റ്റോറേജ് വേരിയന്റാണ് ഫോണിനുള്ളത്.1,39,999 രൂപയാണ് ഇതിന്റെ വില. എമറാൾഡ് ഡസ്ക്, വോയേജർ ബ്ലാക്ക് കളർ ഓപ്ഷനുകളിൽ ഫോൺ ലഭ്യമാണ്.വൺ പ്ലസിന്റെ ഔദ്യോഗിക വെബ്‌സൈറ്റ് വഴിയും ആമസോൺ വഴിയും രാജ്യത്തുടനീളമുള്ള റീട്ടെയിൽ സ്റ്റോറുകൾ വഴിയും  ഫോൺ

സ്വന്തമാക്കാം. പ്രീ-ഓർഡറുകൾ ഇതിനോടകം തന്നെ ആരംഭിച്ചിട്ടുണ്ട്.

7.82-ഇഞ്ച് (2,268×2,440 പിക്സലുകൾ) 2കെ ഫ്ലെക്സി-ഫ്ലൂയിഡ് LTPO 3.0 അമോലെഡ് ഡിസ്പ്ലേയോട് കൂടിയാണ് ഫോണിന്റെ രൂപകല്പന.ആൻഡ്രോയിഡ് 13 ഔട്ട്-ഓഫ്-ബോക്‌സ് അടിസ്ഥാനമാക്കിയുള്ള ഓക്‌സിജൻ ഒഎസ് 13.2ലാണ് ഫോണിന്റെ പ്രവർത്തനം.ഡിസ്‌പ്ലേയ്ക്ക് അൾട്രാ തിൻ ഗ്ലാസ് പ്രൊട്ടക്റ്റീവ് മെറ്റീരിയൽ ഉണ്ട്.കൂടാതെ 1,440Hz പൾസ്-വിഡ്ത്ത് മോഡുലേഷൻ (PWM) ഡിമ്മിംഗിനേയും  ഇത് പിന്തുണയ്ക്കുന്നു.ഓപ്പണിന്റെ പുറം സ്‌ക്രീൻ 6.31-ഇഞ്ച് (1,116×2,484 പിക്‌സൽ) 2K LTPO 3.0 സൂപ്പർ ഫ്ലൂയിഡ് അമോലെഡ് ഡിസ്‌പ്ലേയാണ്. 10-120Hz ഡൈനാമിക് റിഫ്രഷ് റേറ്റ്, 240Hz ടച്ച് റെസ്‌പോൺസ് റേറ്റ്, 2,800 വരെ പീക്ക് ബ്രൈറ്റ്‌നെസ് എന്നിവ വാഗ്ദാനം ചെയ്യുന്ന സ്ക്രീനിൽ ഒരു  സെറാമിക് ഗാർഡ് പ്രൊട്ടക്റ്റീവ് മെറ്റീരിയലുമുണ്ട്.രണ്ട് ഡിസ്പ്ലേകളും ടിയുവി റെയിൻലാൻഡ് ഇന്റലിജന്റ് ഐ കെയർ സർട്ടിഫൈഡ് ആണെന്നതാണ് മറ്റൊരു പ്രത്യേകത.

ഒപ്റ്റിക്ക്സിലേക്ക് വന്നാൽ, ഫോട്ടോകൾക്കും വീഡിയോകൾക്കുമായി  ട്രിപ്പിൾ ക്യാമറ സിസ്റ്റമാണ് ഫോണിൽ സജ്ജീകരിച്ചിരിക്കുന്നത്.ഒപ്റ്റിക്കൽ ഇമേജ് സ്റ്റെബിലൈസേഷനും (OIS) ഇലക്ട്രോണിക് ഇമേജ് സ്റ്റെബിലൈസേഷനും (EIS) ഉള്ള 1/1.43-ഇഞ്ച് സോണി LYT-T808  CMOS സെൻസറോട് കൂടിയ 48-മെഗാപിക്സൽ പ്രൈമറി ക്യാമറ,ഒഐഎസ്, ഇഐഎസ്, 33.4 ഡിഗ്രി ഫീൽഡ് ഓഫ് വ്യൂ, എഫ്/2.6 അപ്പർച്ചർ, ഓമ്‌നിവിഷൻ ഒവി 64 ബി സെൻസർ എന്നിവയുള്ള 64 മെഗാപിക്സൽ ടെലിഫോട്ടോ ക്യാമറ,സോണി IMX581 സെൻസർ, 114-ഡിഗ്രി ഫീൽഡ്-ഓഫ്-വ്യൂ,  എഫ്/2.2 അപ്പർച്ചർ എന്നിവയടങ്ങിയ 48-മെഗാപിക്സൽ അൾട്രാ-വൈഡ് ആംഗിൾ ക്യാമറ എന്നിവ  ഉൾപ്പെട്ടതാണിത് .സെൽഫികൾക്കും വീഡിയോ ചാറ്റുകൾക്കുമായി എഫ്/2.4 അപ്പേർച്ചറുമുള്ള 32 മെഗാപിക്സൽ ക്യാമറയാണ് കമ്പനി അവതരിപ്പിച്ചിരിക്കുന്നത്.

ഹാൻഡ്‌സെറ്റിലെ കണക്ടിവിറ്റി ഓപ്ഷനുകളിൽ   5G, 4G LTE, Wi-Fi 7, ബ്ലൂടൂത്ത് 5.3, GPS/ A-GPS, NFC, Beidou, GPS, GLONASS, Galileo, QZSS, USB 3.1 കണക്റ്റിവിറ്റിയുള്ള USB Type-C പോർട്ട് എന്നിവ  ഉൾപ്പെടുന്നുണ്ട്.

ആക്‌സിലറോമീറ്റർ, ഗൈറോസ്‌കോപ്പ്, പ്രോക്‌സിമിറ്റി സെൻസർ, സെൻസർ കോർ, ഇ-കോമ്പസ്, ഫ്ലിക്-ഡിറ്റക്റ്റ് സെൻസർ, അണ്ടർ സ്‌ക്രീൻ ആംബിയന്റ് ലൈറ്റ് സെൻസർ എന്നിവയുൾപ്പെടെ വിവിധ സെൻസറുകളും ഫോണിൽ സജ്ജീകരിച്ചിട്ടുണ്ട്.ബയോമെട്രിക് പ്രാമാണീകരണത്തിനായി ഹാൻഡ്‌സെറ്റിന് സൈഡ്-മൗണ്ട് ചെയ്ത ഫിംഗർപ്രിന്റ് സ്കാനറുമുണ്ട്. കൂടാതെ ഫേസ് അൺലോക്ക് ഫീച്ചറും ഇതിൽ ലഭ്യമാണ്.67W SuperVOOC ചാർജിംഗിനെ പിന്തുണയ്ക്കുന്ന ഡ്യുവൽ-സെൽ 4,800mAh ബാറ്ററിയാണ് ഫോണിന്റെ പവർ ഹൌസ്.ബോക്‌സിൽ 80W ചാർജറുമായാണ് ഹാൻഡ്‌സെറ്റ് വരുന്നത്. 245ഗ്രാമാണ് ഫോണിന്റെ ഭാരം.