റാന്നി : കുടുംബശ്രീ ജില്ലാ മിഷനും സ്റ്റേറ്റ് ബാങ്ക് ഓഫ് ഇന്ത്യയും സംയുക്തമായി മലമ്പണ്ടാര സ്പെഷ്യല്‍ പ്രോജെക്ടിന്റെ ഭാഗമായി ശിശുദിനാഘോഷം സംഘടിപ്പിച്ചു. ഉദ്ഘാടനം റാന്നി പെരുനാട് ളാഹ മഞ്ഞതോട് പട്ടികവര്‍ഗ സങ്കേതത്തില്‍ നഗരസഭ ക്ഷേമകാര്യസ്റ്റാന്റിംഗ് കമ്മിറ്റി ചെയര്‍മാന്‍ ജിജി മാത്യു നിര്‍വഹിച്ചു. ജില്ലാ പഞ്ചായത്ത് ഡിവിഷന്‍ മെമ്പര്‍ ലേഖ സുരേഷ് അധ്യക്ഷയായി. കുട്ടികളുടെ വര്‍ക്ക്‌ഷോപ് ചൊല്ലും പറച്ചിലും സംഘടിപ്പിച്ചു. കവി വിനോദ് മുളമ്പുഴ നേതൃത്വം നല്‍കി. കുട്ടികളും രക്ഷകര്‍ത്താക്കളും കലാപരിപാടികളില്‍ പങ്കു ചേര്‍ന്നു. എസ് ബി ഐ യുടെ നേതൃത്വത്തില്‍ മലമ്പണ്ടാര ഉന്നതികളിലെ കുട്ടികള്‍ക്കുള്ള സമ്മാന പൊതി വിതരണവും നടന്നു. കുടുംബശ്രീ ജില്ലാമിഷന്‍ കോ-ഓഡിനേറ്റര്‍ എസ്. ആദില, കുടുംബശ്രീ എ.ഡി.എം.സി ബിന്ദുരേഖ, എസ്.ബി.ഐ നോഡല്‍ ഓഫീസര്‍ ആനന്ദ്കുമാര്‍,ട്രൈബല്‍ ഡവലപ്മെന്റ് ഓഫീസര്‍ എസ്. എ നജീം എന്നിവര്‍ പങ്കെടുത്തു.
