ചെന്നൈ : നടി തൃഷയ്‌ക്കെതിരായ അപകീര്‍ത്തികരവും ലൈംഗികചുവയുള്ളതുമായ പരാമര്‍ശം നടത്തിയ സംഭവത്തില്‍ നടൻ മൻസൂര്‍ അലി ഖാന് എതിരെ എഫ്.ഐ.ആര്‍ രജിസ്റ്റര്‍ ചെയ്ത് ചെന്നൈ പൊലീസ്.സ്ത്രീത്വത്തെ അപമാനിച്ചതിനെതിരെയുള്ള വകുപ്പ് ഉള്‍പ്പെടുത്തിയാണ് എഫ്.ഐ.ആര്‍. ദേശീയ വനിതാ കമ്മിഷൻ വിഷയത്തില്‍ പരാതി നല്‍കിയതിനെ തുടര്‍ന്നാണ് പൊലീസ് നടപടി. മൻസൂറിന് നോട്ടീസ് അയക്കുമെന്ന് പൊലീസ് വ്യക്തമാക്കി.
ഒരു അഭിമുഖത്തിലായിരുന്നു മൻസൂര്‍ അലിഖാന്റെ അപകീര്‍ത്തികരമായ പരാമര്‍ശം. തൃഷയ്‌ക്കൊപ്പം ലിയോയില്‍ അഭിനയിക്കുന്നുവെന്ന് കേട്ടപ്പോള്‍ കിടപ്പുമുറി സീൻ ഉണ്ടാകുമെന്ന് താൻ കരുതി. പഴയ സിനിമകളില്‍ ബലാത്സംഗ സീനുകള്‍ ചെയ്തിട്ടുണ്ട്. മറ്റ് നടിമാരെ കിടപ്പുമുറിയിലേക്ക് കൊണ്ടുപോയതുപോലെ തൃഷയേയും കൊണ്ടുപോകാമെന്ന് കരുതി. എന്നാല്‍ കാശ്മീരിലെ ഷൂട്ടിംഗ് സെറ്റില്‍ തൃഷയെ അവര്‍ കാണിച്ചില്ലെന്നായിരുന്നു നടൻ പറഞ്ഞത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
മൻസൂര്‍ അലി ഖാന്റെ വീഡിയോ പങ്കുവച്ചുകൊണ്ട് തൃഷ വിഷയത്തില്‍ രൂക്ഷമായി പ്രതികരിക്കുകയും ചെയ്തിരുന്നു. വെറുപ്പുളവാക്കുന്ന രീതിയില്‍ മൻസൂര്‍ സംസാരിക്കുന്നതിന്റെ വീഡിയോ തന്റെ ശ്രദ്ധയില്‍പ്പെട്ടിട്ടുണ്ടെന്നും പരാമര്‍ശത്തെ ശക്തമായി അപലപിക്കുകയാണെന്നും നടി സമൂഹമാദ്ധ്യമത്തില്‍ കുറിച്ചു. ഗായിക ചിൻമയി, നടിയും ദേശീയ വനിതാ കമ്മിഷൻ അംഗവുമായ ഖുഷ്ബു തുടങ്ങിയവരും തൃഷയെ പിന്തുണച്ച്‌ നടനെതിരെ രംഗത്ത് വന്നിരുന്നു.
അതേസമയം സംഭവത്തില്‍ മാപ്പ് പറയാൻ തയ്യാറല്ലെന്ന നിലപാടിലാണ് മൻസൂര്‍ അലി ഖാൻ.