ഭോപ്പാല്‍ : പ്രധാനമന്ത്രി നരേന്ദ്ര മോദിയുടെ വസ്ത്രധാരണത്തിനെതിരെ വിമര്‍ശനവുമായി കോണ്‍ഗ്രസ് നേതാവ് രാഹുല്‍ ഗാന്ധി.മോദി ധരിക്കുന്നത് ലക്ഷങ്ങള്‍ വിലയുള്ള സ്യൂട്ടുകളാണെന്നും താൻ ഈ വെള്ള ടീ ഷര്‍ട്ട് മാത്രമാണ് ഉപയോഗിക്കുന്നതെന്നും രാഹുല്‍ പറഞ്ഞു. മദ്ധ്യപ്രദേശിലെ സത്നയില്‍ തിരഞ്ഞെടുപ്പ് റാലിയെ അഭിസംബോധന ചെയ്യുകയായിരുന്നു അദ്ദേഹം.
മോദിയുടെ പ്രസംഗം കേട്ടു, എല്ലായിടത്തും എല്ലാ പ്രസംഗത്തിലും ഞാൻ ഒ.ബി.സി. വിഭാഗത്തില്‍പ്പെട്ടയാളാണെന്നാണ് മോദി പറയുന്നത്. ഇത് ആവര്‍ത്തിച്ചു പറഞ്ഞാണ് അദ്ദേഹം പ്രധാനമന്ത്രിയായത്. ലക്ഷങ്ങള്‍ വിലയുള്ള 12 സ്യൂട്ടുകളെങ്കിലും മോദി ഒരു ദിവസം ധരിക്കുന്നുണ്ട്. ഞാൻ ഈയൊരു വെള്ള വസ്ത്രമാണ് ധരിക്കുന്നത്- രാഹുല്‍ പറഞ്ഞു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ജാതി അടിസ്ഥാനമാക്കിയുള്ള സെൻസസിനെക്കുറിച്ച്‌ താൻ പറഞ്ഞുതുടങ്ങിയപ്പോള്‍ മോദിയുടെ പ്രസംഗങ്ങളില്‍നിന്ന് ജാതി പോയെന്നും പറഞ്ഞു. താൻ ജാതിയെക്കുറിച്ച്‌ പറയുമ്പോള്‍, ഇന്ത്യയില്‍ ജാതിയില്ലെന്ന് മോദി പറയുന്നു. അധികാരത്തിലെത്തിയാല്‍ ആദ്യം ജാതി സെൻസസ് നടത്തുമെന്നും രാഹുല്‍ വ്യക്തമാക്കി.
