ട്രിച്ചി: ട്രിച്ചിയിലെ സാമ്പത്തിക കുറ്റകൃത്യങ്ങളുടെ അന്വേഷണ വിഭാഗം നല്‍കിയ എഫ്‌ഐആറിനെ തുടര്‍ന്ന് പ്രണവ് ജ്വല്ലേഴ്‌സിനെതിരെ എൻഫോഴ്‌സ്‌മെന്റ് ഡയറക്ടറേറ്റ് (ഇഡി) പിഎംഎല്‍എ പ്രകാരം കേസെടുത്തു.ഈ എഫ്‌ഐആറില്‍, പ്രണവ് ജ്വല്ലേഴ്‌സ് 100 കോടി രൂപ പോണ്‍സി സ്കീമില്‍ (സ്വര്‍ണ്ണ സ്കീം) നിക്ഷേപിക്കാൻ വൻ വരുമാനം വാഗ്ദാനം ചെയ്തുവെന്ന് ആരോപിക്കപ്പെടുന്നു. എന്നാല്‍, പിന്നീട് പ്രണവ് ജ്വല്ലേഴ്‌സ് വാഗ്ദാനത്തില്‍ നിന്ന് പിന്മാറുകയും തമിഴ്‌നാട്ടിലെ എല്ലാ ഷോറൂമുകളും ഒറ്റരാത്രികൊണ്ട് പൂട്ടുകയും ചെയ്തു.
ചെന്നൈ, ഈറോഡ്, നാഗര്‍കോവില്‍, മധുര, കുംഭകോണം, പുതുച്ചേരി തുടങ്ങിയ നഗരങ്ങളില്‍ പ്രണവ് ജ്വല്ലേഴ്‌സിന് വൻ ഷോറൂമുകള്‍ ഉണ്ടായിരുന്നു, അവിടെ ആളുകള്‍ ഈ സ്വര്‍ണ പദ്ധതിയില്‍ ഒരു ലക്ഷം മുതല്‍ ഒരു കോടി രൂപ വരെ നിക്ഷേപിച്ചെങ്കിലും പിന്നീട് എല്ലാവരും വഞ്ചിക്കപ്പെട്ടു. എന്നാല്‍ ശ്രദ്ധേയമായ മറ്റൊരു വസ്തുത നടൻ പ്രകാശ് രാജിനെയും ഇഡി നിരീക്ഷിക്കുകയാണെന്നതാണ്. ചന്ദ്രയാൻ 3 യെക്കുറിച്ചുള്ള ആക്ഷേപകരമായ പരാമര്‍ശങ്ങളുടെയും നേരത്തെയുള്ള പ്രസ്താവനകളുടെയും പേരില്‍ വിവാദത്തിലായ പ്രശസ്ത നടൻ പ്രകാശ് രാജ് പ്രണവ് ജ്വല്ലേഴ്‌സിന്റെ ബ്രാൻഡ് അംബാസഡറായിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഈ ജ്വല്ലേഴ്‌സ് കമ്പനിയുടെ പരസ്യത്തിന്റെ മുഖമായിരുന്നു അദ്ദേഹം. എന്നാല്‍ പ്രണവ് ജ്വല്ലേഴ്‌സിന്റെ നടപടി പുറത്തുവന്നതോടെ അദ്ദേഹം മൗനം പാലിച്ചു. വൃത്തങ്ങള്‍ പറയുന്നതനുസരിച്ച്‌, ഇപ്പോള്‍ നടൻ പ്രകാശ് രാജും അന്വേഷണ ഏജൻസിയുടെ റഡാറില്‍ ഉണ്ട്. ഈ കേസില്‍ ഇഡി ഉടൻ തന്നെ അദ്ദേഹത്തെ വിളിച്ചുവരുത്തി ചോദ്യം ചെയ്‌തേക്കും. പ്രണവ് ജ്വല്ലേഴ്‌സിന്റെ ഉടമകള്‍ സ്വര്‍ണ പദ്ധതിയിലൂടെ പൊതുജനങ്ങളില്‍ നിന്ന് ശേഖരിച്ച 100 കോടി രൂപ നിരവധി ഷെല്‍ കമ്ബനികള്‍ വഴി നിക്ഷേപിച്ചതാണ് ഇഡിയുടെ കൈകളില്‍ എത്തിയ റിപ്പോര്‍ട്ടിലെ വിവരം.
പ്രണവ് ജ്വല്ലേഴ്‌സും അതുമായി ബന്ധപ്പെട്ടവരും കബളിപ്പിച്ച്‌ സമ്പാദിച്ച പണം മറ്റൊരു ഷെല്‍ കമ്ബനിയിലേക്ക് വകമാറ്റിയതായി അന്വേഷണത്തില്‍ കണ്ടെത്തിയതായും തുടര്‍ന്ന് ബുധനാഴ്ച പ്രണവ് ജ്വല്ലേഴ്‌സിന്റെ പരിസരത്ത് റെയ്ഡ് നടത്തിയതായും ഇഡി പറഞ്ഞു. ഇഡി വൃത്തങ്ങള്‍ പറയുന്നതനുസരിച്ച്‌, തമിഴ്‌നാട്ടിലെ ട്രിച്ചിയിലെ പ്രശസ്തമായ പ്രണവ് ജ്വല്ലേഴ്‌സില്‍ പി‌എം‌എല്‍‌എയുടെ കീഴില്‍ നടത്തിയ പരിശോധനയില്‍, കോടികളുടെ സംശയാസ്‌പദമായ ഇടപാടുകളെക്കുറിച്ചുള്ള വിവരങ്ങള്‍ നല്‍കുന്ന നിരവധി രേഖകള്‍ കണ്ടെത്തി