കോഴിക്കാട് : കോഴിക്കോട് വടകര മടപ്പള്ളിയിൽ ട്രാവലർ നിയന്ത്രണം വിട്ട് താഴ്ചയിലേക്കു മറിഞ്ഞുണ്ടായ അപകടത്തിൽ കടപ്ലാമറ്റം സ്വദേശി മരിച്ചു. കൂവള്ളൂർക്കുന്ന് സ്വദേശിനി സാലി എൻ സിയാണ് (60) മരിച്ചത്. അപകടത്തിൽ 11 പേർക്ക് പരിക്കേറ്റു. മടപ്പള്ളി കോളേജ് സ്റ്റോപ്പിനടുത്ത് വ്യാഴാഴ്ച പുലർച്ചെ 6 മണിയോടെ ആയിരുന്നു. അപകടം. കടപ്ലാമറ്റത്തു നിന്ന് കാസർകോട് വെള്ളരിക്കുണ്ടിലെ മരണവീട്ടിലേക്ക് പോകുകയായിരുന്ന സംഘമാണ് അപകടത്തിൽപ്പെട്ടത്. അഗ്നിരക്ഷാ സേന എത്തിയാണ് വാഹനത്തിലുണ്ടായിരുന്നവരെ ആശുപത്രിയിലേക്കു മാറ്റിയത്. പരിക്കേറ്റ മൂന്നു പേരെ കോഴിക്കോട് മെഡിക്കൽ കോളജിലും മറ്റുള്ളവരെ വടകരയിലെ സ്വകാര്യ ആശുപത്രിയിലും പ്രവേശിപ്പിച്ചു മരിച്ച സാലി കടപ്ലാമറ്റം പഞ്ചായത്ത് നാലാം വാർഡ് ആശാ പ്രവർത്തകയാണ് പരിക്കേറ്റവർ കടപ്ലാമറ്റം സ്വദേശികൾ ആണ് .
Advertisements
