തിരുവല്ലയിലെ നെടുമ്പ്രത്ത്ശക്തമായ കാറ്റിൽ മരം കടപുഴകി വീണു ;വീട് തകർന്നു; വീട്ടുകാർ രക്ഷപെട്ടത് തലനാരിഴക്ക്

തിരുവല്ല : ശക്തമായ കാറ്റിൽ മരം കടപുഴകി വീണ് തിരുവല്ലയിലെ നെടുമ്പ്രത്ത് വീട് പൂർണമായും തകർന്നു . നെടുമ്പ്രം തുണ്ടിയിൽ സ്കറിയ എബ്രഹാമിന്റെ വീട് ആണ് തകർന്നത്.

ഇന്നലെ രാത്രി 10 മായിരുന്നു സംഭവം. വീശിയടിച്ച കാറ്റിൽ സ്കറിയ എബ്രഹാമിന്റെ തന്നെ പുരയിടത്തിൽ നിന്നിരുന്ന ആഞ്ഞിലി മരം കടപുഴകി വീടിന് മുകളിലേക്ക് വീഴുകയായിരുന്നു.

വീടിന്റെ രണ്ടു മുറികൾ പൂർണമായും തകർന്നു . അടുക്കളയുടെ ഭിത്തി വിണ്ട് കീറി. വീടിന്റെ മേൽക്കൂര തകരുന്ന ഒച്ചകേട്ട് സ്കറിയ എബ്രഹാമിന്റെ ഭാര്യയും മകനും പിൻ വാതിലിലൂടെ പുറത്തേക്ക് ഓടി രക്ഷപ്പെട്ടു.

റവന്യൂ അധികൃതർ 10 മണിയോടെ സ്ഥലത്തെത്തുമെന്ന് വാർഡ് മെമ്പർ പറഞ്ഞു.