ഹൈക്കോടതി
കൊച്ചി : സ്കൂളിലെ ട്യൂഷൻ ഫീസ് നല്‍കാനുണ്ടെന്നതിന്റെ പേരില്‍ വിദ്യാര്‍ത്ഥിക്ക് ട്രാൻസ്ഫര്‍ സര്‍ട്ടിഫിക്കറ്റ് (ടിസി) നിഷേധിക്കാനാകില്ലെന്നു ഹൈക്കോടതി.വിദ്യാഭ്യാസം മൗലിക അവകാശമാണെന്നും കോടതി ചൂണ്ടിക്കാട്ടി.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കാഞ്ഞങ്ങാട് സ്വദേശിനിയായ എട്ടാം ക്ലാസ് വിദ്യാര്‍ത്ഥിനിക്കു ടിസി നല്‍കാൻ ഉത്തരവിട്ട് ജസ്റ്റിസ് ബസന്ത് ബാലാജിയാണ് ഇക്കാര്യം വ്യക്തമാക്കിയത്. കാഞ്ഞങ്ങാട് സദ്ഗുരു പബ്ലിക്ക് സ്കൂള്‍ പ്രിൻസിപ്പലാണ് ഫീസ് നല്‍കാനുണ്ടെന്ന പേരില്‍ ടിസി നിഷേധിച്ചത്.
2023-24 അധ്യയന വര്‍ഷത്തെ ഫീസ് അടയ്ക്കാത്തതിനാലാണ് ടിസി നല്‍കാത്തതെന്നായിരുന്നു പ്രിൻസിപ്പലിന്റെ വാദം. വിദേശത്തു പഠിക്കാൻ പോകാനാണ് ടിസി വാങ്ങുന്നതെന്നും വാദിച്ചു. എന്നാല്‍ 2022- 23 അക്കാദമിക് വര്‍ഷത്തെ ഫീസ് പൂര്‍ണമായും അടച്ചിട്ടുണ്ടെന്നും വിദ്യാര്‍ത്ഥിനിയുടെ അമ്മ അര്‍ബുദ രോഗത്തിനു ചികിത്സയിലാണെന്നും ചൂണ്ടിക്കാട്ടി. തുടര്‍ന്നാണ് വിദ്യാര്‍ത്ഥിനിക്കു ഉടൻ ടിസി നല്‍കാൻ സിംഗിള്‍ ബഞ്ച് ഉത്തരവിട്ടത്.