കൊച്ചി: കൊച്ചി കണ്ടയ്നര്‍ റോഡില്‍ ഇന്നലെ രാത്രി കാറിടിച്ച് പരിക്കേറ്റ കുതിര ചത്തു. കുതിരയെ അലക്ഷ്യമായി കൈകാര്യം ചെയ്ത ഫക്രുദ്ദീന്‍ എന്നയാള്‍ക്കെതിരെ ചേരാനെല്ലൂര്‍ പൊലീസ് കേസെടുത്തു. മൃഗങ്ങളോടുളള ക്രൂരത ഉള്‍പ്പെടെയുളള വകുപ്പുകളാണ് ചുമത്തിയിരിക്കുന്നത്. ഇടപ്പളളി സ്വദേശി നാദിറിന്‍റെ ഉടമസ്ഥതയിലുളളതാണ് കുതിര.
Advertisements
താനറിയാതെ ഫക്രുദ്ദീന്‍ കുതിരയെ കൊണ്ടു പോയി എന്നാണ് ഉടമ പൊലീസിനെ അറിയിച്ചിരിക്കുന്നത്. ഇന്നലെ രാത്രിയാണ് റിഫ്ളക്ടര്‍ ഘടിപ്പിക്കാതെ കുതിരയെ തിരക്കേറിയ കണ്ടയ്നര്‍ റോഡിലൂടെ കൊണ്ടുപോയത്. എതിരെ വന്ന കാര്‍ ഇടിച്ച് കുതിരയ്ക്ക് പരിക്കേല്‍ക്കുകയായിരുന്നു. അപകടത്തില്‍ കാറിനും കാര്യമായ കേടുപാടുകള്‍ ഉണ്ടായിരുന്നു.
