ഇലഞ്ഞി :- വിസാറ്റ് (VISAT) എഞ്ചിനീയറിംഗ് കോളേജും ആർട്സ് കോളേജും സംയുക്തമായി സംഘടിപ്പിച്ച ക്രിസ്തുമസ് – നവ വത്സര സന്ദേശ റാലി “സാന്ത ഇൻ ടൗൺ” ഇന്ന് 5 മണിക്ക് കൂത്താട്ടുകുളത്തു സമാപിച്ചു. രാവിലെ പിറവത്തു അനൂപ് ജേക്കബ് എം എൽ എ ഫ്ലാഗ് ഓഫ് ചെയ്തു. പിറവം നഗരസഭാധ്യക്ഷ ശ്രീമതി ഏലിയാമ്മ ഫിലിപ്പ് സന്ദേശം നൽകി. ഇലഞ്ഞിയിൽ പഞ്ചായത്ത് മെമ്പർ സന്തോഷ് കോരപ്പിള്ള, ലയൺസ് ക്ലബ് പ്രസിഡണ്ട് ജെയിംസ് എന്നിവർ ചേർന്ന് സ്വീകരിച്ചു മോനിപ്പള്ളിയിലേക്ക് ഫ്ലാഗ്ഗ് ഓഫ് ചെയ്തു. മോനിപ്പള്ളിയിൽ എഞ്ചിനീയറിംഗ് കോളേജ് പ്രിൻസിപ്പൽ ഡോ അനൂപ് കെ ജെ റാലി സ്വീകരിച്ചു ഉഴവൂരിലേക്ക് ഫ്ളാഗ് ഓഫ് ചെയ്തു. ഉഴവൂരിൽ പഞ്ചായത്തു പ്രസിഡണ്ട് തങ്കച്ചൻ രാമപുരത്തേക്ക് ഫ്ലാഗ്ഗ് ഓഫ് ചെയ്തു. രാമപുരത്തു നിന്നും പഞ്ചായത്ത് പ്രസിഡണ്ട് ഷൈനി സന്തോഷ് കൂത്താട്ടുകുളത്തേക്ക് റാലി ഫ്ലാഗ്ഗ് ഓഫ് ചെയ്തു. കൂത്താട്ടുകുളത്തെ സമാപന സമ്മേളനം മുനിസിപ്പൽ ചെയർപേഴ്സൺ വിജയ സന്തോഷ് ഉത്‌ഘാടനം ചെയ്തു സംസാരിച്ചു. ഇലഞ്ഞി പഞ്ചായത്ത് പ്രസിഡണ്ട് പ്രീതി അനിൽ, വൈസ് പ്രസിഡണ്ട് എം പി ജോസഫ്, കൂത്താട്ടുകുളം പോലീസ് സബ് ഇൻസ്‌പെക്ടർ ജയൻ ടി എൽ എന്നിവർ പങ്കെടുത്തു. 5 മണിക്ക് റാലി സമാപിച്ചു.
