വാരണാസി: അന്താരാഷ്ട്ര ക്രിക്കറ്റ് സ്റ്റേഡിയത്തിന് തറക്കല്ലിടാൻ പ്രധാനമന്ത്രി നരേന്ദ്ര മോദി ഇന്ന് ഉത്തര്‍പ്രദേശിലെ വാരണാസിയിലേക്ക്.വനിതാ അനുഭാവികളുടെ റാലിയെ അഭിസംബോധന ചെയ്യുകയും പാര്‍ലമെന്റ് പാസാക്കിയ വനിതാ സംവരണ ബില്ലിനെക്കുറിച്ച്‌ സംസാരിക്കുകയും ചെയ്യുമെന്ന് റിപ്പോര്‍ട്ടുകള്‍ സൂചിപ്പിക്കുന്നു. നഗരത്തില്‍ പുതുതായി നിര്‍മ്മിച്ച 16 അടല്‍ റെസിഡൻഷ്യല്‍ സ്കൂളുകളും പ്രധാനമന്ത്രി ഉദ്ഘാടനം ചെയ്യും. ഉച്ചയ്ക്ക് 1.30 ന് വിമാനത്തില്‍ എത്തിച്ചേരും.
പ്രധാനമന്ത്രിയുടെ സന്ദര്‍ശനത്തെക്കുറിച്ച്‌ വാരണാസി കമ്മീഷണര്‍ കൗശല്‍ രാജ് ശര്‍മ്മ വെള്ളിയാഴ്ച മാധ്യമങ്ങളോട് സംസാരിച്ചിരിന്നു. പ്രധാനമന്ത്രി നരേന്ദ്ര മോദി ഗഞ്ജരിയില്‍ ക്രിക്കറ്റ് സ്റ്റേഡിയത്തിന് തറക്കല്ലിടും. തുടര്‍ന്ന് സമ്ബൂര്‍ണാനന്ദ സംസ്‌കൃത വിശ്വവിദ്യാലയത്തില്‍ 5,000-ത്തിലധികം സ്ത്രീകള്‍ പങ്കെടുക്കുന്ന റാലിയെ അദ്ദേഹം അഭിസംബോധന ചെയ്യുമെന്നും രുദ്രാക്ഷ് കേന്ദ്രത്തില്‍ എത്തുമെന്നും അവിടെ പുതുതായി നിര്‍മിച്ച 16 അടല്‍ റസിഡൻഷ്യല്‍ സ്‌കൂളുകള്‍ ഉദ്ഘാടനം ചെയ്യുമെന്നും ശര്‍മ്മ പറഞ്ഞു. ബി.സി.സി.ഐ പ്രസിഡന്റ് റോജര്‍ ബിന്നി, വൈസ് പ്രസിഡന്റ് രാജീവ് ശുക്ല, സെക്രട്ടറി ജയ് ഷാ എന്നിവര്‍ ചടങ്ങില്‍ പങ്കെടുക്കും.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഒരേ സമയം ഏകദേശം 30,000 പേരെ ഉള്‍ക്കൊള്ളാൻ കഴിയുന്ന വാരണാസിയിലെ അന്താരാഷ്ട്ര ക്രിക്കറ്റ് സ്റ്റേഡിയം 450 കോടി രൂപ ചെലവിലാണ് വികസിപ്പിക്കുന്നത്. വാരണാസി ക്രിക്കറ്റ് സ്റ്റേഡിയത്തിന്റെ വാസ്തുവിദ്യ പരമശിവനില്‍ നിന്ന് പ്രചോദനം ഉള്‍ക്കൊണ്ടാണ് നിര്‍മിച്ചിരിക്കുന്നത് . ചന്ദ്രക്കലയുടെ ആകൃതിയിലുള്ള മേല്‍ക്കൂരകള്‍, ത്രിശൂലത്തിന്റെ ആകൃതിയിലുള്ള ഫ്ലഡ് ലൈറ്റുകള്‍, ഘട്ട് സ്റ്റെപ്പുകള്‍ അടിസ്ഥാനമാക്കിയുള്ള ഇരിപ്പിടങ്ങള്‍, മുൻഭാഗത്ത് ബില്‍വിപത്ര ആകൃതിയിലുള്ള മെറ്റാലിക് ഷീറ്റുകള്‍ എന്നിവയ്ക്കായി രൂപകല്‍പ്പന ചെയ്തിട്ടുണ്ട്. രാജതലബ് ഏരിയയില്‍ റിംഗ് റോഡിന് സമീപം സ്ഥിതി ചെയ്യുന്ന ഇത് 2025 ഡിസംബറോടെ പൂര്‍ത്തിയാകുമെന്നും അധികൃതര്‍ അറിയിച്ചു.
