കോട്ടയം: മാന്നാനം കുര്യാക്കോസ് ഏലിയാസ് ഇംഗ്ലീഷ് മീഡിയം സ്കൂളിൽ നടന്ന എ എസ് ഐ എസ് സി റീജനൽ കലോത്സവത്തിൽ കാറ്റഗറി 1,2 വിഭാഗത്തിൽ കെ ഇ ഇംഗ്ലീഷ് മീഡിയം സ്കൂൾ മാന്നാനം ഓവറോൾ ചാമ്പ്യന്മാരായി.വൈകുന്നേരം നടന്ന സമാപന സമ്മേളനത്തിൽ എ എസ് ഐ എസ് സി ദേശീയ പ്രസിഡൻറുംകെ ഇ സ്കൂൾ പ്രിൻസിപ്പലുമായ റവ.ഡോ. ജെയിംസ് മുല്ലശ്ശേരി സി എം ഐ അധ്യക്ഷത വഹിച്ചു.കെ.ഇ. റസിഡൻസ് പ്രിഫറ്റ് റവ.ഫാദർ ഷൈജു സേവ്യർ സി എം ഐ സമ്മാനദാനം നിർവഹിച്ചു. നവംബർ 8,9 തീയതികളിൽ നടക്കുന്ന കേരള റീജിയണൽ കലോത്സവമായ ‘ രംഗോത്സവ് 2024’ ൻ്റെ ഉദ്ഘാടനം എട്ടാം തീയതി വൈകുന്നേരം 5 മണിക്ക് നടക്കുന്ന പൊതുസമ്മേളനത്തിൽ കടുത്തുരുത്തി എംഎൽഎ അഡ്വ. ശ്രീ മോൻസ് ജോസഫ് നിർവഹിക്കും ആറു സോണുകളിലായി നടന്ന മത്സരങ്ങളിൽ നിന്ന് വിജയികളായ രണ്ടായിരത്തിലേറെ വിദ്യാർഥികളാണ് 10 വേദികളിലായി നടക്കുന്ന 48 വ്യത്യസ്ത മത്സരങ്ങളിൽ പങ്കെടുക്കുക
