കൗമാരപ്രായത്തിൽ ലണ്ടനിൽ നിന്ന് സുഹൃത്തുക്കളോടൊപ്പം സിറിയയിലേക്ക് പോകുമ്പോൾ തീവ്രവാദ ഗ്രൂപ്പിൽ ചേരുകയാണെന്ന് അറിയാമായിരുന്നുവെന്ന് സമ്മതിച്ച് ഷമീമ ബീഗം. ബിബിസി പോഡ്കാസ്റ്റിലാണ് 23 കാരിയായ ഐഎസ് വധു ഇക്കാര്യം സമ്മതിച്ചിരിക്കുന്നത് . തനിക്ക് ഐസിസ് അംഗങ്ങൾ നൽകിയ നിർദ്ദേശങ്ങൾ നൽകിയിരുന്നതായും എന്നാൽ 2015 ലെ യാത്ര താൻ സ്വയം ആസൂത്രണം ചെയ്തതായും ഷമീമ പറഞ്ഞു.
ആ സമയത്ത് യുകെ വിടുന്നതിൽ തനിക്ക് ആശ്വാസം ഉണ്ടായിരുന്നു. ഇനി തിരിച്ചുവരുമെന്നും പ്രതീക്ഷിച്ചിരുന്നില്ല. കിഴക്കൻ ലണ്ടനിലെ ബെത്നാൽ ഗ്രീനിൽ നിന്ന് തുർക്കിയിലൂടെ ഐഎസ് നിയന്ത്രിത പ്രദേശത്തേക്ക് രണ്ടുപേരുമായി യാത്രചെയ്യുമ്‌ബോൾ 15 വയസ്സ് മാത്രമേ ഉണ്ടായിരുന്നുള്ളൂ. സുഹൃത്തുക്കൾ, ഇരുവരും പിന്നീട് മരിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഞാൻ ഒരു തീവ്രവാദ ഗ്രൂപ്പിൽ ചേർന്ന ആൾ തന്നെയാണ്. പൊതുജനങ്ങൾ എന്നെ അപകടകാരിയായി കാണുന്നുവെന്ന് എനിക്കറിയാം . എന്നാൽ എന്നെ ഭയക്കേണ്ട കാര്യമില്ല .തന്റെ ചിത്രീകരണത്തിന് മാധ്യമങ്ങളെ കുറ്റപ്പെടുത്തി, താനൊരു മോശക്കാരിയല്ലെന്നും ഷമീമ ബീഗം പറഞ്ഞു.10 മണിക്കൂർ നീണ്ട അഭിമുഖത്തിനിടെ ഷമീമ ബീഗം സ്റ്റോറിയോട് പറഞ്ഞു, ‘ഞാൻ ഐഎസിനേക്കാൾ വളരെ കൂടുതലായി ചിന്തിക്കുന്ന വ്യക്തിയാണ് , എന്നോടുള്ള പൊതുജനങ്ങളുടെ രോഷം എനിക്ക് മനസ്സിലാകുന്നുണ്ട് . എന്നാൽ അത് യഥാർത്ഥത്തിൽ എന്നോടാണെന്ന് ഞാൻ കരുതുന്നില്ല. അത് ഐഎസിനോട് ആണെന്ന് ഞാൻ കരുതുന്നു. ഐഎസിനെക്കുറിച്ച് ചിന്തിക്കുമ്‌ബോൾ അവർ എന്നെക്കുറിച്ച് ചിന്തിക്കുന്നു, കാരണം എന്നെ വളരെയധികം മാദ്ധ്യമങ്ങളിൽ ഉൾപ്പെടുത്തിയിട്ടുണ്ട്. ഞങ്ങൾ ഐഎസിലേക്ക് പോയി, അത് കഴിഞ്ഞു, അത് അവസാനിച്ചു, ഇതിൽ കൂടുതൽ എന്താണ് പറയാനുള്ളത്? ‘ ഷമീമ ചോദിക്കുന്നു .
സിറിയയിലേക്കുള്ള തങ്ങളുടെ യാത്രയ്ക്ക് ഐഎസ് അംഗങ്ങൾ വ്യക്തമായ നിർദ്ദേശങ്ങൾ നൽകിയിരുന്നുവെന്നും ഷമീമ ബീഗം പറഞ്ഞു. ഓൺലൈനിൽ ആളുകൾ ഞങ്ങളോട് പറയും, എന്തുചെയ്യണം, എന്തുചെയ്യരുത് എന്ന് . പിടിക്കപ്പെട്ടാൽ എന്ത് ഉപയോഗിക്കണം എന്നതുൾപ്പെടെ അവർ പറഞ്ഞു തന്നുവെന്നും ഷമീമ പറയുന്നു.
സിറിയയിലേക്ക് കടക്കുന്നതിന് മുമ്ബ് യാത്രാ ചിലവുകളെക്കുറിച്ചും ആവശ്യമായ ടർക്കിഷ് ഭാഷയെക്കുറിച്ചും ഗവേഷണം നടത്തി. ഇതിനെ പറ്റി ചില സുഹൃത്തുക്കൾ ഒഴികെ ആരോടും പറഞ്ഞില്ല .ഞാൻ എല്ലായ്പ്പോഴും കൂടുതൽ ഒറ്റപ്പെട്ട വ്യക്തിയാണ്. അതുകൊണ്ടാണ് എന്റെ ജീവിതം മാധ്യമങ്ങളിൽ നിറഞ്ഞുനിൽക്കുന്നത് , ഇത് വളരെ ബുദ്ധിമുട്ടാണെന്നും ഷമീമ പറഞ്ഞു.
