കോട്ടയം : ചിങ്ങവനം സായിപ്പ് കവലയിൽ ഭാര്യയെ ഭർത്താവ് വീട്ടിൽ കയറി വെട്ടിപ്പരിക്കേൽപ്പിച്ചു. ആക്രമണം തടയാൻ എത്തിയ യുവതിയുടെ വലിയമ്മക്കും പരിക്കേറ്റു. ആക്രമണത്തിൽ ഗുരുതരമായി പരിക്കേറ്റ് അബോധാവസ്ഥയിലാ യുവതിയെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. സംഭവവുമായി ബന്ധപ്പെട്ട് യുവതിയുടെ ഭർത്താവിനെ പോലീസ് കസ്റ്റഡിയിൽ എടുത്തതായാണ് സൂചന.
ശനിയാഴ്ച വൈകിട്ട് നാലുമണിക്ക് ശേഷം ആയിരുന്നു സംഭവം. പ്രദേശത്ത് വാടകയ്ക്ക് താമസിക്കുന്ന യുവതിയെയാണ് ഭർത്താവ് വീട്ടിലെത്തി മാരകായുധം ഉപയോഗിച്ച് ആക്രമിച്ചു പരിക്കേൽപ്പിച്ചത്. ഇരുവരും തമ്മിൽ നാളുകളായി പിണക്കത്തിൽ ആയിരുന്ന തായി പോലീസ് പറയുന്നു. ഇത് തുടർന്ന് വീട്ടിലെത്തിയ ഭർത്താവ് യുവതിയെ വെട്ടി പരിക്കേൽപ്പിക്കുകയായിരുന്നു. ആക്രമണത്തിൽ ഗുരുതരമായി പരിക്കേറ്റ യുവതിയെ പോലീസ് ആണ് ആശുപത്രിയിൽ എത്തിച്ചത്. ഭർത്താവിനെ പോലീസ് കസ്റ്റഡിയിൽ എടുത്തു. യുവതി മെഡിക്കൽ കോളേജ് ആശുപത്രിയിൽ ചികിത്സയിൽ കഴിയുകയാണ്.
